| Daddy's 的个人资料Daddy's BabyG!rL日志列表留言簿 |  工具  帮助 |
|
8月10日 Long time =Dهاااااااااااااااي اول
لونق تااايم هااا؟؟؟ سنة تقريبا مرت, سبحان الله! كدا جا في بالي اقرا مامضى واشتقت للايام الخوالي والبلوق ادى الغرض الي كنت اسعى من وراءه هو تذكر مامضي =) لول من جد ماادري كيف ماي بيبول كانو بيقرو بلوقاتي!!! انا دحينا ومافيا اقرا كل الكلام وونوصو ماكنت حفهمو الا لانني عشت التجربة ففهامها الوضع واعيد الهرجة بمليون طريقة في الموضوع الواحد =) يناس عليا من جد ارفع الهات لصوحابي وماي فاميلي الي كانو بيجبرولي خاطري ويقرو مااكتب لول ولا ازعل لمن مايكتبو كومنت اني ويز الشهر الي فات سار عومري 21! كان يو بليف ات!! لتل جيجي ماسارت اقزيست :( زمااان زمااااان مرا كنت يمكن 16 ولا 15 وكانو بيقولو لوحده في التشات عومرها 21 سنة انو خلاص!! انتي ايش مدخلك تشات! انتي المفروض سرتي عاقلة وفي بيت زوجك... فربطت في عقلي انو 21 مرحلة عمرية متقدمة المفروض الوحدة فيها تكون انسانة متزنة جدا على سيرت الاتزان ماماتي تقولي قبل فترة في عريس يبغا وحده رشيقة وعاقلة ها ايش رائيك؟؟؟ قولتلها هلووو مام!! شايفة في احد عاقل قاعد قودامك =) لا من جد انا ملاحظة كل سنة تمر في دي المرحلة من العمر تقول يااااه انا مرا كبرت على تصرفات السنة الي فاتت سو كل سنة في عمرك بتعلمك شي جديد وانا اتعلمت كتير ومبسوطة بحالي وحاسة مااعرف بس الام اس ان بلوقز ماسار زي مان سار بايخ شويتيين اكتشيلي كتير مو شويتتين =) والعالم الي في ماادري ايش تبغى :\ سو حاسة انو خطر اشارك ديتيلز حياتي مع عالم كدا :\ و لا انا غلطانة؟ اني ويز لكل ماي فانز =) ام دوينق ويل ولايف كانت بي بيتر (الا طبعن ابغا الاحسن بس بقولها بحكم العادة لول) ثانكس علاسكنق طول دي المدة ورمضان جاي سو اكيد الواعظة جيجي حتطلب منكم الدعاء لها ان يعطيها ربها حتى ترضى وزيادة وانا بدوري حدعيلكم نفس الدعوى لمن اضيف عليها "وكل من يدعيلي في ظهر الغيب" وانو تعملو قد ماتقدرو عشان نفسكم قبل كل شي ثاانكس اوووووووووووول واراكم في حياة اخرى او بلوق اخر =) مااعرف
Jiji سبحـــان الله وبحمــدهـ عدد خلقه وزنه عرشه ومداد كلمــاته
8月28日 Happy Ramadan :Dهــــــاي
ازيكو ياجماعة؟؟
اخبار الاجازة والاوقات الخالية من الدراسة ايه؟
انا طيبة الحمدولله
بس سرت مرا يطفشني اكتب بلوقات, نفسي اكتب عشان لمن اطالع فيها بعد عدد من السنين افتكر الزكريات الجميلة بس من جد مافيا امسك ورقة وقلم ولا فيا اكتب هنا
المهم اجازتي امورا الحمدلله, روحت المعهد حق المطوعين زي كل سنة الحمدلله =) بس الي قهرني ديا السنة انو مو كل شي داير حوليا, يعني في اهتمام بيا بس في ناس تانية في السنتر معايا
 ااممم اول يوم سار شي مرا يضحك, كان عامليلنا هبل كدا قااالك يبغو يزودو النشاطات المهم عشان انا سجلت بعد اسبوع فهما وزعو الحصص وخيرو صحباتي ايت حصة اضافية يبغو ياخدو, وبما اني متأخرة فخلاص مافي مكان, فجابولنا -الي سجلو متأخر- شي مررا سخيف وحدة تعملنا فيزياء ماادري كمياء ممتعه = هبــــــــل
لول
تقولنا كيف نقدر نوازن عود كبريت على يدنا بدون مايطيح
 وات ذا هيل!! قومت قولتلها لا اقصد الاهانة بس ايش استفيد انا في الحياة لمن اقدر اوازن عود كبريت على صوباعي!  راحت نطت عليا "التوازن مافي شي يمشي بدونو والتوزان ماادري اشبو" وبلا بلا بلاقولتلها توازن على عيني وراسي بس ايش استفيييد لمن اووووااازن كبريت على صوباعي!! بس وجلست هيا ووحدة ابلة اعرفها من اول يقولولي لا يااشجان دا التوازن لااازم وبعدينا الابلة الي اعرفها سارت تقولي انتي عشان حتسيري ان شاء الله مخرجة مرا تحتاجيي وانشغلنا بدا الموضوع عن النقد حقي
المهم والابلة ديكا مرا معصبة مني اخر شي سارت تقولي مين الي قال ايش فايدت ديا التجربة-وهيا عارفة انو انا بس ماادري ايشبها- قولتلها انا, قالتلي اصلن احنا من اول شي قولنا انو دي خدع للاطفال(طب شيفانا اطفال ولا عندي بزورة في البيت ارعاهم عشان اروح اتعلملهم خدع وكراب) المهم قولتلها اهاا طيب
بس مرا كان فني, لول وكلامي مرررا صح بس ماني عارفة ليه العالم دايمن يقولو علصراحة رود ويزعلو مافيها شي لو قالت والله يلا بس نتعلم ونضيع وقت اهوه وهوا هبل انا معاكي
المهم اممم ايش تاني اها يوم عملو بازار وحطوني مسؤولة عن العاب البزورة كانو عنااد عشاني مااطيق الشقاوة, جننونيييييييي بس ات واز مرا فن
وانبسط الصراحة في المعهد مرا كتير والقيرلز الي هناكا مرا ياناسو عليهم
ايوا والابلة حقت المعهد قالتلي انو انا استحق وسام ثلاث ارباعو دهبي وربعو فضي وانتي عارفة ليه, بس الصراحة ماني عارفة ليه لول
وقالتلي كمانا انو هيا لمن تشوفني تبغا تكتر كلام عشاني :) وانو هيا فخورة بيا, وانو انا اتخذ الخطوة بعقل وليس بمشاعر ووو مازا ايضن المهم مرا فرحتني بحالي الله يسعدها
اممم شو تاني, اهاا ماي بيرث داي جلسنا شهر نحتفل بيه لول
اخيرا..هوا ليه الناس سارت شرانية بينها وبين بعض!! والله جد تلاقي كل احد لو احد غلط عليه يدي دووش كلام, وهوا كان بيدو يقول" الله يسامحك انتا غلطت بحقي في كدا وكدا وكدا "ومايسير شي والتاني فهم غلطو, اما سب وشتم وقلة زوق ماني فاهمة ايشلها داعي, من جد دا الصيف انصدمت في نااس كتييير, عانيت كتير صراحة وكأنو ربنا عارف بيا خلا الابلة في المعهد كل شويا تعيدلنا كلمة انو "صفوو الناس"من جد الله يعينني اني اصفي الي يقعد ينزلني ماني مجبورة اتحملو, والله يرزقنا كلنا الصحبة الكويسة
وبس كدا :)
كل سنة وانتو طيبين لو ماكتبت بلوق تاني بعد دا قبل رمضان, من جد اتمنى لكل الناس انو رمضان دا يكون شي مرررا رائع بداية جديدة مع ربنا, نبطل تدخين للي عارف حالو =)نصلي سنن الصلاوات, ننزل تراويح وتهج, وان شاء الله رمضان دا الله يعينني اني اعتكف, لول ولو اني خايفة يسير ريحة المسجد اكل من الناس الي فيي اقوم ابطل:) اها صحبتي كانت بتسألني انو كيف راح تروحي التواليت باعتبار اني اي فيل قروس من الحمامات, قولتلها ولا شي اول ماابغا حمام حخرج من المسجد لول وارجع تاني ان شاء الله
اني ويز يارب يكون رمضان مرا حلو عليا وعلى ماي فاميلي وعليكم وعلى كل الناس الي تحبوهم يبلغنا هوا ويعيننا على صيامو وقيامو
اها ومرررا فرحانا اننا راح نعمل مشاريع كتيرا ماشاءالله لرمضان دا :) اليوم ان شاء الله راح نبدء باول واحد حلو كدا لمن يتملي يومك وتسير شخص فعال في المجتمع =)ا
يلا اول مرا شكرا للي بيسأل عني
لا تنسو تدعولي معاكم دايمن لاني انا بدعي للي بيدعيلي, قولو اللهم اعطنا من فضلك العظيم حتى نرضى وزيادة انا ومن وصاني بالدعاء وكل من يدعو لنا في ظهر الغيب
امين يارب
وكل سنة وحضرتكم طيبيين
سبحان الله وبحمــــده سبحـــــان الله العظيم
Princess Jiji 7月8日 I'M 20 :Dكتبت كلام مررررررررررررررررا كتير كلو اتمسح
المهم
نبدء تاني بالمختصر الموفيد
هاي :)
ازيكو؟؟
انا كويسة
ونعلن الان رسميا انني اصبحت في عمر العشرين, يخوف مو
 ؟ لمن يكون ليك 10 سنوات ولمن احد يسالك كام عومرك تقولهم "تعش" ودحينا "عشرين"! (لول خلي بابا بس يشوف الكلجة الي هنا تعش )تالمهم مافيا اكتب لاني كتب اول بس ماادري ايشبو دا مسحو بس حيعملولي بارتي يوم الربوع ان شاء الله عشان اليوم حيكون زواج صحبتي بما انني نورت العالم حين خلقت ومازلت انشر السعادة الي الان فسار زواجها يوم ميلادي الله يوفقها وبسعدها, المهم فبابتي حيرجع متاخر وحكون ان في الكوفيرا وقتها فقولنا نخليها يوم الربوع ان شاء الله
وعلى سيرة الزاوج, انا من الاخر كدا ميك اب مااااعرف احط شغل البنات حق الاي شادوز وماادري اي اولا مرا يبغالو توازن لول وتاني شي انو من جد صعب يتحط! اخوتي الكوبيرا الله يسعدها يارب مرا شالتني كدا ودتني عند ميك اب ارتيس في باريس عشان تعلمني, وهيا الي ماعندها زمة علمتني شي واحد ليا سنتين وانا عمل فيه لول فاابغا اغير دحينا, ففتحت اليوتيوب اشوف لو في ليسنز من جد عزاااااااااب ومسكينا المودل الي بيعملولها عيونا تدمع وانفها سار احمر! ايه التعزيب دا! لا من جد شغلة متعبة
المهم روحت طبقت بعض دي اللسننز طلع شي مرا "اوبا لالا لولا" دي تطلق لمن يكون شي مرا صعب ولا النتيجة مرا بطاله, اخترعتها ايام الاختبارات كان عندي مادة صعبا اوي فسرت اقول لماما عليا اختبار الوبا لالا لولا فسارت الكلمة رسمي
وماابغا اروح كوفير لانو لو قولتلها ابغا شي مرا سمبل حتحطلي بنك في عيوني وميبي بيربل لول واخاف تجيني حساسية عشان عيوني مرا حساسة فشكلو بس ححط كحلا ومسكرا وبلاشر وقلوس وانتهىىىىى بلا تعقيد
والفوستان دا حكايتو حكاية مرا ايام الاختبارات لاقيت ماما بتحط ملابس من دولابي في كيس فقولتلها لية, قالتلي في وحدا تبغا تعمل زيهم, قريب اكتشف انو ماما ادتها الملابس ليها تقولي صعبت عليا, قولتلها ولو دولا فساتيني المفروض تاخدي ازني حتى لو كنتي ماما لانها حقتي, قالتلي كانك كنتي رح تلبسيهم قولتلها لو مالاقيت شي عجبني اشتري كان لبستهم, والفني ثينق انو سابتلي بس فوستان واحد مرا نايس وكلو, بس لبستو في فرح اخت صحبتي الي حتتزوج اليوم فمارح ينفع :) المهم فروحنا نشوف الفساتين مرا بايخ لمن تدورو على فوستان, عجبني واحد بس سعرو مرررررررررررا بطال, انا مرررررا ماعندي مشاكل ادفع بابتي الله يخلي لينا الاف على شنط اما ادفعها على فوستان حيتلبس مرتين ويترمي مرررررررررررررررررررررا لا ايش الي فوستان ب7 الاف!ا
المهم فمامتي قالتلي انو نروح بكرا نتفاهم مع صحبت البوتيك على السعر, فلمن جا بكرا الي هوا كان امس, ماما قالتلي يلا البسي, قولتلها انتي اول
قالتلي انا اخلص بسورعا,قولتلها وانا كمانا اخلص بسورعااقالتلي جيجي مارح اعيدها تاني روحي البسي, قولتلها ماما انتي لية تصرخي عليا :( اقولك شي ماني رايحة معاكي(كانو كان الخرجة ليها لول)المهم لاقيت ماما مارد وبولاااا شي وراحت غرفتها قولت اوبس شكلها من جد ناوية ماتروح شويا خرجت ولمن رجعت جابتلي الفوستان :(وانا شريرا اعمل فيها كدا وهيا ياناشو عليها
الله يخلي ماي بيرنتز ليا ويخلي لكل الناس اهلهم
وبس كدا مافيا اكتب
يلا اول كلنا نتمنى لجيجي عام سعيد وفاتحة خير تتحقق فيي كل ماي دريمز ويارب يدينا الصحة والسعادة ويشفينا ويخليلي ماي فاميلي والناس الي احوبهم ويديهم الصحة والعافية انا وانتو وكل المسلمين ويعطينا من فضلو العظيم حتى نرضى وزيادة :)ا
لوف يو اول
وثانكس فور افري ثينق
سي ياااااااااا
da somethin i read it o mara i liked it :)
Instead of counting candles,
Or tallying the years, Contemplate your blessings, As your birthday nears. Consider special people Who love you, and who care, And others who’ve enriched your life Just by being there. Think about the memories Passing years can never mar, Experiences great and small That have made you who you are. Another year is a happy gift, So cut your cake, and say, "Instead of counting birthdays, I count blessings every day 6月5日 Wat a stupid group!هاي بيبول
دوبي شوفت قروب
المشكلة انو طالع من مصريين, الي يحبو ربنا وحتا لو مسحيين بيحترمو مرا المسلمين,سو لو كانو لبنانيين-مع انو برضو مايطلع منهم- نقول بالقوة ماشي,اما مصريين! نو وايالقروب بالزبط ايش فكرتو ماني فااااااااااااااااهمه
مرا قاهراهم حكيت المنقبات,ومرا قهراهم حكاية المحجبات,ومرا قاهراهم عنف الرجل علمرا (الرجل هنا بدقنا وتوب قصير)-ومرا قاهرهم ليه مافي سواقه في السعودية
وحتا لو في صور وحدا بتسوق يقولك بتمارس ابسط حقوقها :S
يعني مو عاجبهم سوا سقنا او لا
ولمن في وحدا بتشرب يقولك دي اخره الحجاب ماني فاهمة ايش الرابط بس
مو بتقولو انو مفروض كل وحدا تعمل الي في راسها! طيب ولمن تشرب ؟؟ ماسوت الي في راسها؟؟ ليه زعلانين طيب؟
ومرا السعودية عمالهم قلق, وبعدينا يقولك"نحن لا نملك شي ضد السعودية"
اجل ايه؟ حكاية القروب دا ماني فاااهمااا
المهم من الاخر كدا قروب مالو هررررررررررجاااا
شلة عوبطا عبالهم انهم كول وجالسين يحشو في الدين!
سوا صلاة ولا حجاب والي هوا
بس دا كلو ماقهرني لسا
اتز اوكي دا رائيهم
بس لمن يجو يقارنونا ببتاعون برا
لا هنا وحدكمممم
ماادري ليه العالم مقدسة شي اسمو امريكااان ولا اوروبيين ولا استراليين المهم الناطقين بغير العربيه
ابالزات الامريكان من جد ماني فاهمة هرجتهم
مايكفي الملقب الي هما ماخدنو عن حالهم كمانا احنا نزودهم مقلب!!
وهما كلهم على بعضهم كدا شعب حومااااااااااااار ومو سوري علكلمة لانو من جد هما كدا
جيب امريكي واسالو شي برا بلدو شوف ايش يدرك
....................................................... كدا
لا اجابة
ودوبهم بس عرفونا عشان العراق وبس الباقي مو داريين, دا ازا ماكانو مفكرين انهم عايشين لوحدهم في العالم مع اليابانيين وبس لول (ليس الكل ولكن الغاالب)ا
اصلن ايش تتوقعو من شعب اغلبو انتخب بوش مرتين علتوالي !!!
يطلع شعب زكي؟؟ هلوووووو..في مس اندرستاندق هنا
سو
لمن يجي احد سخيف
بغض النظر عن الي عملوه العرب سواء كان يتوافق مع فكرو او لا
ويقارنهم بالمريكان , وانو شوفو كيف فشلونا وشوفو كيف العبيطا ديا مغطيا وجهها مين تطلع عشان ماادري مين يطالع فيها اصلن
مرررررررررررررا توو متش
كل واحد حر ياهو بمبدو ومنظقو!!
بعيدن عن الحلال والحرام
كل واحد حر مو دا مبدا الدمقراطيا!!
مابتضر احد خلاص شيز فري تعمل الي تبغاا
ايشمعنا يعني لو كان شي اصلن خلاف الفطرا السويا (واو اي لايكد الورد
) تكون عادي وبالعكس نطلع مظاهرات ونرفع شعاراتولمن تكون عن احد مسلم وعربي ينتقد من عرب زيوو!!وانهم هبل, ودي مو برضو دا حق وحرية ولا اية الي جراا
سو مرا بايخ لمن احنا ننتقد بعض بيننا وبين بعض على مبدا بننادي بيها مع "الامريكان"بس في التطبيق انو الي يبعملوه هوا الصح واحنا لو عملنا المبدا دا نطلع غلط
يعني لو انتقد وبس نقول دا انسان مريض حبو بالراحة عليه اما كمانا يقارنا لالالا سيبوني عليي
وبعدينا كمان البنات مستفزين, انا ماابغا احط صورا عشان لا اخرب لاحد تفكيرو السليم وافكارو البريئة
لمن وحدا عبيطا الصربنة تقطر منها تقطير وتتصور مع صحباتها في سوبرمركت وهيا كدا في العربية! مو سخافة؟ لابسين نقاب مااعرف ايش اسمو بس كدا منظر وقار وادب وعقلها عقل وحدا نونو نوغا حتا النونوات مايعملو العبط دا
احس بعض البنات(من بعد مادخلت الجامعة واتنبهت لمختلف الطبقات عرفت دا الشي) ياحرام مااعرف كيف اشرحها بس عبالهم انو اتز سو كول لمن اعمل شي يونيك في طريق غلط
يعني مسلن مسلن
دحينا دولا الي راحو السوبرماركت مالاقو بسطا غير انو يتصورو وهما علعربيه! تعرفو لو انو هيا انبسطت وكان نفسها تعمل كدا وعملتو ماكونت زعلت
بس الي يزعل انو مابتعملو لدا السبب وهوا انها تركب العربية, هيا بتعملو لفت نظر انو وااو لووك ات مي(سنق ات
) انا عملت شي غير مو كل مين يعملوسو؟؟
دخلتو الجنة ؟؟
ترا حتا القايز يوووووووووووووووووووة ماابغا بس اتوسع ولو انو لو اتكلمت في القايز مارح نخلص, بس عشان انا مع البنات فبكون اقرب ولو انو القايز مصايبهم اكبر احنا مهما عملنا واتصربن البعض واتبدون البعض الاخر تلاقينا برضو بريئن
 اني ويز
فمااحوب لمن الواحد يعمل غلط ويلا مين قدي, انا اول مادخلت الجامعة ..دقيقة دقيقة..انا ماااااااعرف ليييه كدا اسوء شلة في اي مكان يتلمو عليا, شلة البنات الي تكون بنات ناس و انواع المصايب عملتها او رح تعملها, مااعرف ايش يشدهم ليا !فاول مادخلت الجامعة الواحد لمن يتناقش معايا وبعدينا يكتشف اني ماني مصاحبا الاقي كدا يطالعلي انو ايش دا !!مااتوقعتك كدا! كيف انتي كدا ياناس عليكي وماتصاحبي؟
ولا مادخني ولا ماتهببي!!
ماني فاهمة ليه العالم كانت رابطة فكرت انو واحد عشان يكون كول ومرا ببيولر لازم يكون افسد واحد
ازن هناك علاقة طردية بين عدم مخافة الله والكولنا بمفهومهم استغفرالله
مع انو دحين مررررررررا اتغير الوضع او انا الي ربنا لمني مع ناس تخاف ربنا مااعرف, بس احس الناس الفكرا ديا اندثرت وبقي شلة صروب قليلة لسا علفكرا القديمة بس احيانن احس انو لسا في هبل
المهم من الاخر كدا
عمرو محد حيكون واو والبنت السمبيتك والواد "الفله" باي ذا واي انا رررا اكره ديا الكلمة فله , ايش مصدرها اصلها مشتقة من ايه ماني دارية مرا كلمة بايخة, وكل مااحد ينطقها جنبي اتضارب معاه انو يغيرها هيا و"مع نفسها" ايش الكلام دا ايش يعني الهباب دا مين الي اخترعو واصلو واشتقو و و و و الخ مااحوب كدا الي ينقل كلام وياخد كلمات خصوصن الي ماهي اصلن موضوعا في ماادري ايه العربي لول (الي يتجمعو ماادري كم سنة يحطو الكلام الجديد) وياخدها لمجرد الاخد, يسو لو اخترعها هوا وعاجباه عادي انا عندي كلام مخترع كتيررررر مالو اصل يبغالي انزل قاموس
وعادي لمن احد ياخد من عباراتي دي ليكون هناك في تواصل باعتبار انو حبها اما تسير ديا العبارات خلاص شي قومي كل مين قالها لمجرد الاخد وهيا مالها اصل لااني ويز عمرو محد حيكون كول وافزع كول غير لو كانت كولنتو في شي ربنا يرضا عليه
سو لمن احد يقولها وهوا مرا براود انا مااصلي, دا اكبر لوزر, واللوزر الي زيو هوا الي يفكرو كول سو خليهم الاتنين ""مع نفسهم لول
او لمن وحدا بتتريق على وحدا بتتحجب"زي القروب"دولا هما اللوزرززز مو الي متحجبا ولا منقبا
ولمن يكون في السنوي الواد الكول هوا الي يعلق على الي رايح والي جا دا لوزر, حتا لو كنت بعمل الاغلاط السالفة الذكر بس ماانكر انو دا متهى العبط والي يقول عنهم كول هوا زيهم عبيط ولوزر فيستفلو مع بعض
من الاخر كدا انا لستو اناقش الموضوع من باب ماهوا الحلال وماهوا الحرام انا بعمل اغلاط وكلنا بنعمل اغلاط, بس بليز لا يسير الغلط فينا هوا الصح, والي صح يسكت عشان الغالبية مايبعملو كدا او عشان هوا ماعندو شخصية
اعرف احد كدا الله يسهلو ويهديه, بزر اولى سنوي, وعمل هباب الشخص الاربيعيني الطبيعي الوحش ميبي مامدا يعملو لس
تقولو انتا عارف انو دا غلط
يقولك وهوا زعلاااااااان ايوا
طي بتعمل كدا ليه؟
يقولك اصحابي
 طب ازا اصحابك غلط تسير زيهم؟؟؟
يقولك لو ماعملت يتريقو عليا ويطلعوني انا الغلط
فسوري طول ماهوا موجود اهل ربو اولادهم على عدم المواجه وانا الي افرض شخصيتي على اصحابي مو هما يفرضوها كان ماسار كدا
من جد دا الشخص اكره اهلو احس نوص الي هوا فيي بسببهم وهوا كمان يتحمل وزر بس مع اهلوو
فلو اتربو البزورا على شي اسمو مبدء" يوخذ عن اقناع بالفكرا
بس مو طبطبا زي وحدا تقولي انا بابتي ومامتي ياناسو عليهم ماخلوني اتحجب غير بعد مااقتنعت
قولت طوز ابان معقدا اول لا قولتلها اما انا ياحبيبتشي مامتشي الاتي مفيش طلعة من الباب دا الا وانتي حاطة طرحتك على شعرك وانتهى اما لو قدت طبطبتلي كان مااتحجبت غير وانا على فراش الموت
من جد اصلن كيف كدا تقولو لوحدا امورا وفي ريعان شبابها يلا يابيبي انتي اتحجبي بالراحة والتدريج عشان لاتعملي شي غير عن اقتناع عشان طول حياتك تعملي
كم اووون جيبلي دا الي حيقتنع
اما انا قصدي انو اقناع مو بالمبدء, بل انو من يومهم بزورا يبينولهم انو كل شي في الحياه ياابنائي تعملو والحلال كتير, بس اليييين نوصل عند الخط الاحمر وهوا انو ربنا يزعل مننا هنا في ستوووووووووووووووب
ممنوع العبور
لانو ربنا يبغالنا الخير فريحنا من البداية وحطلنا الصح والغلط عشان هوا اعمل بالي حيسير حتا لو كنا نفتكرو صح بس في النهاية يطلع غلط عشان ربنا قال غلط وندي براهين
مسلن مسلن الفوايد تبان انها واو ونفك كربة واحد الي تجيلو فلوس يرجع الي اخدو , مااجمل هاذه الحياه..بس استني عنك من حق الي سلفك كمان ياخد فلوس, كيف كدا تاخد من الناس شي وماتديهم مقابل؟؟
ظاهر الموضوع واو
بس ربنا قال لا
عشان كدا شوف نهايتهم ايه, فلس الراجل من كوتر الديون ولا باس ازا ضربو مسال على احد يعرفو عشان يكون في مسال حي لول
اني ويز
انا كتبت كتير
والتكمله انشالله في المرة القادمة 6月1日 So many girls be checkin’ my style but I don’t even care :Pهلوو
توداي انا مرا اتنرفزت
ايفري بادي من يومي صغيرا بيقلدوني, مو شوفت نفس بس من جد العالم شايفاني بيرفيكت سو ذاي وانا بي مي عبالهم حيسيرو امورين زيي :) اني ويز
يقلدوني من جد في كل شي
يعني بس اعمل شي خلاص سار موضا كل مين يعمل زيو من يومي في الابتدائي
سو مرا متعودة على كدا وماازعل ومو بق ديل
بس الي يقهرني ويرفعلي ضغطي انو لمن يكون الشي انا الي مخترعاه واحد يعمل زيو از اف هوا الي كيم اب بالفكرا ديا
من كتر مايقلدوني حتا النك نيمز تبعتي ياخدو
ولو بس المح من بعيد يقولولي"لااااااااا من متا؟؟ انا من زمان كدا بس غيرت ماادري اية وسارت زي حقك..وبعدينا مين قالك انو النك دا خاص بيكي"
افاليوم اتكرر دا الموضوع معايا للمرا الاف سو واللهي ماادري ايش اعمل بيهم مرا يقهروني
يعني اتز اوكي لو تقلدوني اصلن مين مايبغا يسير زيي
بس كمانا في دي!! بيبول كم اووون هو باين الموضوع انو مرا تشايلدلش بس من جد يعصب لو تفهمو البوينت بتاعتيوانا ترا برضو كنت اطنش بس لمن كمانا يسيرو هما يقولو انو انا باقلدهم-سواء في دا الشي اوغيرو- لا مرا تو متش
يعني اصلن مابقلد خلقة في النهاية يقلولي انا الي قلدتنهم في النك نيم
ولا مسلن شي كل العالم تعملو وهما بيعملوه اقوم اعملو باعتبار اننا فريندز او سسترز واتز نايس تو بي زي بعض يقومو يقولولي كدا! مرا ينرفزو واللهيامم وقبل شويا اوختي بوبو تبغا تروح مع صحبتها, قولتلها ابغا اروح معاكي, بعدينا قولت بزورا ورايحين يجيبو اغراض للبروجكت تبعهم ايش يوديني معاهم خليني اخرج مع ماما احسن
شويا ماما تقولي ماحروح معاكي عشان سالتني عن رائي في شي قومت قولتلها رائي بكل صراحة راحت عصبت مني وتقولي ليييه وماادري اييه, قامت اخدها حجة انها ماتبغا تروح معايا وانا عارفة انو من اول هيا ماتبا تروح وماتبغا تزعلني وتقولي لا, فاول ما رائي لم يوافق رائيها راحت قالتي عشان قولتي كدا
االمهم فقولت حروح مع بوبو, شويا برضو قولت ياشيخة بزورا ايش يوديكي معاهم, قامت مامتي احسها عشان عارفة اني طفشانا
قالت لبوبو ماتروحي لوحدك مع صحباتك المشبوهين لول, تاخدي اوختك معاكي, احسها كدا قالتلها وهيا تطالع فيا انو دي دحينا الي حتنتبهلها! ابعدينا استرطردت او خدي نانا اما لوحدك لاء
المهم فبوبو بتقولي قبل شويا وانا بكتب البلوق جيجي ازا تبغي تجي معايا يلا بسرعا روبع ساعة بالكتير وتكوني جاهزة
قومت انا واللهي ابغا اتدلع على احد لا اكتر ولا اقل :( حتا قولتها بابتساما "لا ماابا" عشان تجي جنبي وتقولي الا يابيبي ابغاكي تجي كيف انبسط من غيرك وزي كدا
راحت قالت "ترا واللهي لا ااخد نانا بدالك, ولو قولتلها واللهي ماتجي معايا", قولتلها "ماابا" راحت قالت لنانا قامت قالت حتروح, طالعت فيا بوبو وانا كدا دسبوينتيد وكان في بالي انو نانا حتقولها لا عشان عندها اقزام بعد بكرا فقولت ميبي ماتروح اتاريها ماصدقت, قامت بوبو طالعت فيا وانا كدا محبطا تقولي لووول حتروح معايا ناناوانا كنت عايزة حد يدلعني لا اكتر ولا اقل
 شريرينشويا جات قالتلي سوري جيجي بس قولتلك من اول انا حاسة اني خاينا, طنشتنها
لانو من جد مررا طفشانا, وماابغا اقول لماما ابغا اخرج مع صحباتي عشان ماادري ايشبها ليها فترا تقولي لا
اية دا
يعني بابا مشغول
وماما مافيها تخرج خرجاتي
ونانا ماتخرج غير لمن احد يقترح
وبوبو تزلني علخرجة معاها
فوق دا كلو مايبغوني اخرج مع ماي فرينز
زودوها شويا اول اقول لوختي من زمااان ماخرجت جلست تضحك تقولي امس لسا خارجة
بس من جد لو ماتخرج في اليوم حتا لو سوبرماركت تحس اليوم مافي شي يحمس ساراني ويز انا مرا طفشانا
عايزة اروح
وبيبول ستوب تشتموني, انا بكتب بلوقات عشان افتكر ايام حياتي, سو مو فرض انكم تقرو وتشتمو فيا, لانو محد طلب منكم اصلن تقرو
سي يا للناس الطيبة وحتا الوحشين معلش انا قلبي كبير
JIJI
سبحــان الله وبحمدهـ عدد خلقه ورضا نفسه وزنه عرشه ومداد كلماته
5月28日 Done with exams :Dهلوو بيبول
يفصلني الان عن الاجازة والاوقات السعيدة بإذن الله, اسبوعا خاليان من الاختبارات لتحقيق الاستقرار النفسي المطلوب للدخول والتاهب لفاينلززز! امس باقول لصحبتي عندك اسبوعين تستغليهم اسوء استغلال خرجات وبسطة, عشان ورانا اختبارات, سارت صحبتي التانية تضحك, تقول بدل ماتستغلوها دراسة! لول مااعرف انا عندي دراسة يوم الاختبارات, خلا ذلك, ارفه عن نفسي عشان نفسيتي تتهيا للموزاكرا ملاحظة كلماتي مشالله سايرة ماادري كيف, من كوتر ماقرونا دولا, الله يهديهم بس, تخيلو بس تخيلو انا الي طول حياتي ماعندي الكلام الفارغ دا حق الي اقرو بفهم, سرت اعمل كدا, افتكر في السنوي الاحياء دا كان عقدتي, تلاقي يوم الاختبار نوص الكتاب مطبق, عشان انا مافيا اقرا سو ازاكر الي يتزاكر واسيب الدورات والسيركلز ديا القلق اديهم لبابتي او عشان لا ينعس في النوص اقسمهم على صحباتي وبابا وماما, كل واحد يقرا هوا مع نفسو شي ويقولي بعدينا الموختصرا الموفيد.. :) بس تصورو كيف كان وضع بابتي ايام الدراسة ^^ ياربو يخلي ليا, يرجع من البيت يزاكر بدلي لول عشان يشرحليسو مااقدر اعمل كدا دحينا لانو على كدا حيقرالي كل الكتاب =) وسبحان الله كل صحباتي مو فاهمين نظامي انا وماي كلاس ميتز ايام زمان :) كنا مسلن انا وصديقتي مسلن تدرس هيا نوص الكتاب وانا النوص التاني و... نغش =) لول لا, هيا تزاكر نوص وانا نوص وهيا تحفظني الي حفظتو والعكس صحيح, دحينا لمن اقول لصحباتي كدا يطالعولي كدا وحدا من ماي فريندز تقولي"كيف باللهي افهمك حفظ"لول انا والحفظ دا في زحمة, كنت زمان بدل مااسير زي الاوادم (الى الان ترا)واحفظ التعريف وانتهى, اقسمو حتت وكل حته ارسملها رسمة =) وقت الاختبار الناس تكتب وانا اقعد اشخبط افتكر الرسمة ^^ واللهي انا بسطا, مسلن مسلن لتقريب المعلومة, لمن يكون في التعريف كلمة "اصول" ارسم جذور ^^"فروع" اكمل الشجرة, "ان يضع في يد المدين..." ارسم ايد فيها كوين^^ وهاكزااني ويززز اليوم خلصت اختبار كان يمثل القلق الاكبر, باعتبار انو مرررررررررررررررررا طوووويل, انا ماني فاهمة بس كيف حزاكر الكمية دي في النهائي, يعني حيكون بالاضافة للاختبارتو, كمية اختبار الدوري الاول زائد الكمية الجديدة الي مادخلت في النصفي والكتاب هوا استازنا الي كاتبو سو احس كدا قلبو يوجعو لمن يحزف شي فور ذات كل الكتاب معانا, ودا الكتاب من اغرررب الكتب الي مرت عليا في حياتي(ولو انو الكتب الي مرت عليا مش كتير لول)صدق او لا تصدق مافي مقدمة, داخل من الباب للشوباك ماادري ايش يقولوها, سو لو كان في مقدمة تحس انو وااو في صفحات كتير مارح يتزاكرو(ولو انو في مواد حتا المقدمة يدرسونا هيا) بس دا مافي مقدمة من اصلو تخيلو, سو بس باقي الفهرس الي مارح يتزاكراممم ايوا صح كان عندي اختبار تاني دا الاسبوع مرا مرا امور عشان في كدا فن وحساب واله حاسبة ^^ واللهي وحشتني دي الاشياء احس اني اون ذا توب اوف ذا ورلد لمن احل شي معقد كدا وافكفكو واحللو اليين يسير س= ^^ اميزينق والله روحت اقول لبابتي خلصت! تخيل خلصت(بس ترا سايبة الجزء النظري لليوم الاختبار ازاكرو, مااعرف سارت عندي عادة مااقدر اخلص منهج كامل قبل ماانام حتا لو كان قليل لازم اسيب شي لبكرا)فقولتلو انو تصدق..ياريت كنت اتخصصت محاسبة, طالع فيا وقالي بعد تنهيده"واللهي يابنتي كنتي حتبدعي"ثم قطع كلامه قائلا"لالالا لا تندمي على شي زي كدا خلاص"لانو نايس القانون بس من جد وحشني احل شي غير مشاكل, يعني تخيلو هوا الواحد طول حياتو تمر عليه كام مشكلة(الله لا يجيبها من اصلو), فاانا حقعد اتطلع يوميا على مشاكل الناس!! مستوعبين الفكرا!سو قولت ميبي اشتغل في تقسيم التركات مو لايقلي صح؟بس نفس المشكلة حتسير, انو زبايني كلهم جايين من طرف اموات! يعني حقعد موكتأبة كام وحدا اتوفت وجاو دولا من طرفها وهاكزا, لزلك اخبرت ابي باانني اريد انا اصبح محاسبة قانونية, ولكن مااعرف احسن اخرتها جيجي محاسبة! حتا ولو انها قانونية بس مااعرف كل العيلة كدا, شكلو طريقة عمل دماغنا وحدا لول, سو ماني داريةاني ويز انا ابغا اسير مخرجة خلي الشهادة دي عشان بس اعلقها لبابتي ومامتي ولكن حلمي الاكبر ينتظرني ان شاء الله ^^اها صح مرا وانا بحفظ تعريف كان في كلمة "جذر" قومت عشان احفظو رسمت الساين حقت الجذر(الجذر التربيعي وكدا)برضو تنحت انو امم من زمان علحاجات القميلة دي امممم مازا ايضن اهاااا بوبو اوختشي حبيبتشي دا الاسبوع تعبت ومااحد في البيت ومامتي مشغولة, ومحد في البيت غيري انا وهيا, سو بابتي دق عليا وقالي خدي اوختو المستشفى لتتلقى العلاج اللازم, والبنت دي فيها عنددددد, اي شي تقولها هو امر حتا لو لمصلحتها تقولك ماابغا, اقولها قومي نروح الدكتور انتي مرا مسخنا, تقولي لا, ماادري ميبي مع السخونا مافيها ولا ايه, المهم روحنا الدكتور, طلعت درجة حرارتها 40 :( اقول للنيرس"يعني ايه" لول انا عارفة انو مو الافرج الطبيعي بس ماادري انو شي بطال, لمن شوفتهم بيكبو مويا بادرة عليها وانهم مفجوعين وطؤارى وماادري اية اتربشت, سرت مرا خايفا, المهم بس ادوها العلاج الازم, فالدكتورة عشانها شايفاني مفجوعا, تقولي"ايشبك يابنتي عادي نزلة برد مايخوف كل يوم تمر علينا عشرات الحالات الي زي دي ماتخافي" فااطمنت شويا, فسارت تقولي هيا اول مرا تمرض, لول ماشاءالله, بس هيا مو عن حكاية ازا تمرض دايمن ولا لا, بس انو عشان اول مرا في حياتي انا اتولى مسؤلية اني اوديها المستشفى واتلاقى تشخيص المرض لوحدي, سو مااعرف ازا انو شي بطال ولا لا, الله يحميني انا واخواتي وبابتي ومامتي من كل مرض وسوء وكل الناس اها شويا من ربشتي قالتلي"هوا انتو عشايشين في البيت لوحدكم ولا ايه؟لاتخافي وجلست تضحك"تضحك لية ان شاء الله كاني مو ممليه عينها اني اوخت كبيرا
لووول وحق الصيدلية جنتو, شويا ويرميني بالشبشب من كتر ماهلكتو اسئلة و"ايش ايش" صوتو واطى ايش اعمل! وانا حاسة انو في مسؤلية على عاتقي سو ماابغا اخرب شي, اها بعد مااداني الادوية وجننتو روحت تاني طلعت عند الدكتورة اتاكد اممم اها لووول عشان اوديهم المستشفى وديتهم حتت بعييدا حتت عند معارض سيارات مااعرف فين بس حتة مرا بعيد,لوول وااصرخ علسواق انو كييف مايعرف, قام هوا حبو مااعرف ليه صدق انو دا غلطو, قام قالي طب ماتعرف رقم المستشفى, قومت دقيت عليهم واخد العنوان, لول بس مرا يضحك وانا كدا احط الغلط فيه, بس هوا الي بدء يقولي لية تقوليلي تعال من هنا ازا تبغي تروحي عند ماادري فين, سو دفعت الاتهام =) اها اليوم التاني روحت انا للدكتور لول مع الاختبار تعب تقولي من التوتر, وسارت تضحك تقولي امس عامله فيها اوخت كبيرا ومسؤلية واليوم تجيبي معاكي اختك الكبيرا!كيف كدا,مع اني ماني شايفة فاهمة ايش الرابط بالزبط بس ضحكتها :) مازا ايضن, بس كدا طفشت وجوعانا يلا سي يا وهاف ا نايس ويك اند 5月23日 From nana's blogThis blog is copied from nana's blog, mara nice story o good lesson, peace be upon our prophet Mohammed
مين خوات بن جبير الانصاري دا !
هادا واحد كان معروف في ايام الجاهلية انو على قولتنا " حق بنات " و كان مررره وسيم و انيق .. و كانت حكاويه مع النساء تتناقل بين العرب .. من اشهر الحكاوي انو مره كان في سوق و كان في امرأة جميلة بتبيع سمن فسألها هل عندك سمن ؟ قالتوا ايوا .. وفكت وحده من القرب و داق السمن و قالها لا ماعجبني و اداها هوا تمسكها بيدها طبعا ماحتقدر تفك يدها لان لو فكتها حينكب السمن .. و فك واحد تاني و داقو و شويا صار يتلفت و قالها امسكيه فقد شرد جملي فقالتلو ويحك حتى اربط الذي بيدي .. قام قالها امسكيه والا اسقطتو على الارض فقد شرد جملي .. طبعا المرأة اضطرت تمسكو بيدها التانيه فصارت يداتها الاتنين مشغولتيين بمسك القربتيين .. راح انتهز الفرصه و قبلها !! طبعا القصه دي انتشرت عند العرب .. خوات دا اسلم بعدين و من الناس الي يكتبوا عنهم في الكتب اسلم و "احسن اسلامو ".. طبعا كتير
نقرا ان الشخص اسلم بس مو كتير نلقاهم كاتبيين و احسن اسلامو ..
المهم بعد مااسلم .. مره كان في سفر مع الرسول صلى الله عليه و سلم .. و خيمو في الظهران " دا وادي قرب مكه " فخرج من خيمتو وشاف نسوة بيتكلموا مع بعض و عجبوه فرجع الخيمه تاني و خرج من شنطتو "حلة" ليلبسها و يتجمل وخرجلهم و قعد معاهم "يعني راح اتأنتك و اتشيكلهم" .. و خرج الرسول صلى الله عليه و سلم و شافو فقالو: ياعبد الله مااجلسك اليهن ؟  طبعاً ايش منظرك لو قاعد مع بنات و يشوفك النبي !!! موقف سخيف جداًطبعا خوات خاف و صار يبغا اي حجه يقولها للرسول قام قال: ان لي جمل شرد و انا ابتغي له قيدا .. نفس الحجه القديمه لوول طبعا الرسول مايمشي عليه الكلام دا , و بعدها راحوا يكملوا الطريق عشان يرجعوا للمدينه و صار الرسول كل مايشوف خوات يقولو: يا عبد الله ما فعل شراد جملك؟ خوات استعجل ووصل المدينة و تجنب المسجد و القعدة مع الرسول صلى الله عليه و سلم بالعربي كدا مستحي يحط عينو في عين الرسول بعد الي صار, و مره انتهز فرصة انه مافي احد في المسجد وراح يصلي و جالوا النبي و صلى ركعتين خفيفتين و جلس .. وخوات صار يطول في الصلاة عشان يخاف يجابه الرسول و يسألوا ماذا فعلت في شراد جملك .. بس الرسول قعد يستناه يخلص صلاة و خوات لسه بيصلي الا يسمع الرسول  يقولو: طول أبا عبد الله ما شئت؛ فلست قائما حتى تنصرف طبعا وقتها خوات قرر يعتذر للرسول فخلص صلاتو , فقالو الرسول:السلام عليك يا أبا عبد الله مافعل شراد ذلك الجمل؟, فقال خوات: يا رسول الله والذى بعثك بالحق ما شرد ذلك الجمل منذ أسلمت قصدو انو ماقد سوى الحركة هادي من يوم يوم مااسلم , فقالو الرسول: رحمك الله. و من يومها الرسول ماعادلوا جملة ماذا فعلت في شراد جملك
البوينت الي نبغا نوصلوا من دي القصه كلها , انو شوفوا كيف النبي بس قال جملة وحده و كررها كم مرة و هو استحى و حتى المسجد ما صار يروحو عشان مستحي يواجه الرسول, في زمنا دا نسوي المعصيه و نقول انا سويت بكل كبر و فخر و مين قدي. today fe lecture in Roshan mall le mohammed al2wa'9y yea alkuwaity :)
from 9 to 11 o'clock if u wanna come ^^
C ya
5月18日 Sorry Mama :'(هاي اول
:( حاسة بتانيب ضمير مرا مو طبيعي :( مرا سايرا شريرا, اليوم مامتي تبغانا نروح معاها موحاضرا, هيا عن الزوجات وماادري اية كلام مالي فيي بس تبغاني اجي معاها, اخر الموحاضرا واحنا ماشيين علباب, قولت لماما ابغا اكلم الابلة, قالتلي روحي, فماجت معايا بس كانت بتشوفني من بعيد, بعدينا روحت قولت للابلة"اعملي مرا موحاضرا عن البنات وماماتهم, عشان طول حياتهم بيعملو عن كيف بر المامهات" قامت الابلة ضحكت وقالتلي طيب.. فلمن خرجت قالتلي ماما ايش قولتيلها, قولتلها ماحقول, قالتي الا الا بليز, قولتلها من حسن ايمان المرء تركه مالا يعنيه المهم فسكتت, سارت اوختي الكبيرا تقولي لمن رجعت البيت ايش قولتيلها, قولتها لية تبغو تعرفو؟ خلاص, قالتلي عشان مااتوقعك تقولي شي للناس الي كدا, عشان انا شغلي معاهم مضاربات ومناقشات لول فاول مرا اقول كلمة والسلام,المهم فقولتلها, لاقيتها تطالعي انو واات ذا هيل!ايش الي عملتي! قولتلها عادي مو, قالتلي كان بعتيلها ورقة,انا الصراحة مااحوب الشغل دا, الي اتظاهر بخلاف حقيقتي, انا انسانة واضحة مااخبي شي, الي في بالي اقولو ماعندي اي مشاكل, بس الي حسسني بتانيب الضمير, انو هيا تعرف ماما :(فخوفت على مكانة مامتي الاجتماعية, لانو حبو ماما طيبة وكلو, بس اليوم قبل الموحاضرا روحنا نتغدا معاها برا, فبتقولي انو معنا كلامها انو احنا مانسمع الكلام, واولاد خالتي الصلى علنبي عليهم, مؤدبين وماادري اية, واحنا واللهي كل مين يتمنى عيالو زينا, فسرت اقولها انو احنا مافي زينا, وعومرو محد قال علينا الا كل شي طيب الا انتي..فانا زي دا الكلام انو كل العالم تقول عننا اننا قريت كيدز بس ماما تقول عننا اننا مانسمع الكلام مرا يزعلني ويأثر في نفسيتي, لانو من جد محنا زي باقي البنات, يعني ابدن مااعمل شي من وراهم, وحتا لو قالولي لا على شي, صح اني امد بوز واقول انتو لية كدا وازعل, بس اخر شي ارجع اقولهم "ولو اني ماني مقتنعة, بس طيب عشان خاطركم" حتا واللهي مرا كنت ابغا ادخن, مو حبن في التدخين ولا شي, لا بلعكس انا اكررره السجاير والمعسلات من ربنا كدا,حتا كنت متبنية حملة لمكافحة التدخين الين الان :)و سبب من الاسباب الي تخليني اكره الدوخان انو اسناني بالدونيافمارح اتنازل عن ابتسامتي البراقة عشان دخان وامراض! بس كنت ابغا اجرب لمجرد التجربة لا اكتر ولا اقل, لمن شوفت انو كل العالم جربت حتا اعقل وحدا في صحباتي, قولت ابغا اجرب, فروحت استازنت من ماي بيرنتس لول=) عشان بس تعرفو قد اية انا مااخبي شي وقد اية انا مابعمل شي من وراهم, ففالنهاية تجي ماما وتقولي شوفي اولاد خالتك!! لية ان شاء الله اها باي ذا واي لمن قولتلهم ابغا اجرب ادخن, بابا الله يسعدو ويخلي لينا, قالي كلمة خلاني ماافكر في الموضوع دا تاني ابدن طول حياتي, قالي "لو من الدوخان فايدة كان لاقيتيني الي الان ادخن" سو صرفت النظر عن الموضوع للابد المهم لمن اوختي قالتلي كدا, روحت كلمت صحبتي قالتلي نفس الشي ورقة وهبل, ولو قولتيلها وحدا من صحباتي وماادري اية, رديتلها نفس الشي انو طوز مارح اكدب عشان كدا, لانو انا مو قصدي انو ماما بطالة او شي بس انو مفروض تحمد ربها على بنات زينا المهم مرا حسسوني اني شريرا, خصوصن انو طول حياتي ماما خايفة من تهوري وعدم مبلاتي دايمن اقولها لمن اكبر واسير مخرجة قد الدونيا :) اخر فيلم ليا حيكون عن قصة حياتي وبعدينا اعتزل الفن, كانت تقولي ياويلك تجيبي سيرتي, كنت اقولها "طيب لا تخافي ماحجيب سيرتك ارتاحي", بعدين تقولي"ولا اقولك جيبي سيرتي بس اني كنت كول ويناس عليا وكدا" لول تضحك, سو حاسة انو دا الشي ميبي ميبي يحسسها اني خاينة, واني زي الصروب الي يشتكو على امهاتهم ومايقولو لمامهاتهم هما بنفسهم انهم غلطو في حقهم, بس اي سويرررر انا ماكان قصدي, بس شوف انو الست الي بتحاضر بتناقش مشاكل اجتماعية وكلامها منطق وعقل, فقولت يمكن انا اكون سبب انو عالم كتير يفهمو اولادهم بالاضافة الي مامتي تزيد في فهمها لنا ولا تقول اننا لا نسمع الكلام :( بس دا الي كان قصدي بكل نفس طيبة وبرئيةالمهم قولت حروح اقولها مرا مااعرف اعيش كدا وانا مخبية تاريخ اسود ورايا, روحت قولتلها ماما انتي ايش تتوقعي اني قولت, قالتلي"قولتليها انو بابا وماما زي دولا الي تحكي عليهم؟" سرت اضحك اقولها ايش شيفاني بزرا ولا فتانة ولا اية؟ قامت اوختي قالتها"هيا قالتها انها تعمل موحاضرا, بس عن اية؟ ذاتز ذا بروبليم" سرت اقول لماما حزري انتي, على طووول قالتلي"عن كيف الاباء يبرو ابناءهم" قولتلها ايواا, قالتلي طيب سو؟ قولتلها"يعني عادي؟" احس ماما حاساه انو عادي بس عشان تخوفني انو مااتهور في اشياء اكبر تاني مرا, قالتي"عادي بس عشان انا قولت حسير حليمة" قولتلها يعني مو عادي؟فسارت اوختي تبربر هبل ولو قولتيلها ماادري ايه كان احسن ولو ولو ولو, قومت بكيت :( مو عشان شي بس احس انو ماما الي كانت خايفة من تهوري اكدتلها انو من جد انا مايهمني, وزي كدا’ فماما لمن شافتني اعيط سارت تقول لوختي عادي خلاص انا مسامحاها, انا ماابغا تقولي مسمحاني ولالا انا ابغاها تقولي انو اتز اوكي ماعملتي شي, وبعدينا قالتلي" انا ماازعل من كدا , بس انو حسستيني اني مقصرا في حقكم":( مرا باد بيرسون انا المهم دوبي روحتلها تاني قالت اتز اوكي بس حاسا انها شويا ديسبوينتيد :(مااعرف ليه المهم بس ارتحت شويا, وبوبو وبابا وحشوني, محد يحضوني في البيت غيرهم :( وسافرو, انا مرا سيلي عارفة, بس منجد مسلن لمن اقول لماما ابغا هق, تحضني شويا بعدينا تقولي خلاص روحي طفشتيني =) بوبو تقولي انتي ناقصة حنان وعندك فراغ عاطفي وات ايفرررامم ياه اليوم روحت عند الاستازا دي الي نقصتني مليون درجة في الصح والغلط, اعابطها على الاختبار الدوري بعد مااختبرت النصفي المهم قالتلي "عشان ترتاح بس اهوه زائد روبع درجة" مرا تستهبل, لو ادري انها روبع كان ميبي ماخدت منها موعد واتاخر عن الرجعة للبيت عشانها, ايش دا! الناس ليه بخيلة كدا, وسار تسكتني" انا حزودك ماادري فين وانتي كويسة وحضورك كويس وبلا بلا بلا بس علورق مااقدرش, دا في رقابة", اهاا ولا ايش تقولي"عايزة تاخدي اي بلس؟ لازم تكتبي كويس, زي الكتاب كدا" طول حيااااتهم يفهمونا مانبغا كلام كتب نبغا فكر قانوني, اخر شي تقولي اكتبي زي الكتاب! ايش العبط دا! دي لو اشتكيها ميبي تروح في داهية, يقولولنا مبادىء وفي النهاية التطبيق يكون غير, ماني فاهمة؟ خلاص مايريحونا ويقولولنا نبغا نطلع ناس حفيظا بدل مايقولو نبغا ناس تطلع بفكر قانوني, واللهي لو اقولكم قد ايش يعيدو ويزيدو في ديا الكلمة, طفشونا بيها وفي النهاية هيا الي ماطبقتها امم ايش تاني, ايوا امس اوختي بوبو افتكرت انو قالتلي ابعتلها واجبها على ايميل ماادري مين ونسيت, فروحت اقولها ايش ايميل البنت وكدا, قالتلي بس كلمتين ولا حكتني ولاااا شي عن السفر ودبي, وشويا قالتلي اديني نانا اوختنا الكبيرا, وانواااااع الحكاوي والهدايا, انا مرررا حسيت ان الغيرة تقتلني, ايشمعنا تحكي نانا وانا لا, وتقولها لاقينالك ماادري اية وانا لا؟قومت اخدت السماعة من اوختي نانا, وقولت لبوبو اديني بابا, كلمت بابا اقولو ليية تسال عن مقاس نانا وانا لا :( قالي عشان انتي مقاس شوزك زي بوبو سو نسال نانا كم مقاسها, قولتلو ومييين قالك اني ابغا شو؟ قالي بوبو وانا مرا اكره الشوزات, ايش الي ادفع مبلغ وقدرو على شوز! مااشتري شنطة ولا ساعة عدلة ولا اقلها تي شيرت! اما الاف على شوز مرررررررا انواااااااع العبطقولتلو لا شوكرن ماابغا, ابغا شي محرز, المهم كلمت بوبو ايش تجبلي وماادري اية,فسار تاني كل شي اباوت مي^^, شوياا خلصت كلام بسورعا وقالتلي اديني نانا , ورجعت تاني انواااااع الحكاوي, واللهي مررا زعلت :( يعني دايمن هيا تحكي اوختي الكبيرا على مشاكل وكدا, ماازعل, عشان ميبي انا مااقدر افيدها زي اوختي الكبيرا, او ميبي تفكيري تفكير بزورا سمتايمز=), سو اتز اوكي, بس تحكيها مواقف واشياء وكدا وانا لا ليه :( مرا حزنتمازا بعد؟ بس كدا سي يا ويارب مايحزني ولا يحزن الي احوبهم ولا اي مسلم دنيا واخرا 5月16日 Missin' Daddy n Bobo bebeهاي
اخباركو اية ؟انا منيحة نشكر الله,ولكنني حزينة بعض الشيء,انني افتقد ابي واوختي كثيرن,لقد سافرو منذو كم يوم,الي دبي,ارض الاحلام
لا انا شكلي بدءت اخرف خخ المهم مرا وحشوني, خصوصن انو كنت مرا شريرا الاسبوع الي فات مع اوختي بوبو بيبي
يعني انا مررررررا نفسيتي تسير وحشا ايام الاختبارات, لاتسالو ليه
مابزاكر ولا شي واشيل هم الاختبار واتنكد واتضارب مع العالماي احد قودامي اصرخ في" انا ومن ورائي الطوفان" ^^ ديا الكلمة سرقتها
لول على سيرت الكلام المسروق, لمن اوختي كانت تعبانا سمعت الناس يقولولها"قودامك العافية" فبعدها خرجت مع صحبتي فبابتها دق عليها, وهوا كان تعبان شويا, فقولتلها قوليلو "قودامك العافية عمو" حسيتها استغربت انو من متا جيجي تعرف تتكلم لول وانا سارقة الكلمة
المهم فبوبو دي طاالعا عننننندااااااااااا بشكل بطال, اسوء مني انا وبابا الي يضرب بينا المثل في العناد, دي من كوتر العناد ممكن تضحي مرا بشكل بطال عشان تعاند
وانا احوب طول عومري الاشياء تمشي على مزاجي, سو لمن هيا تعاند, وانا اصلن نفسيتي مو كويسا وقت الاختبارات, جيجي تسير سوبر ميييين, واهزءها :( واللهي اي هيتد ماي سيلف علي عملتو فيها , حبو اتز بوبو اوختي حبيبتشي
فحسيتها زعلت مني وكمانا كنت داك الاسبوع كلنا مشغولين مابنشوف بعض كتير وماقعدت معاها كتير ودحينا تسافر :"( فمرا وحشتني
ايوا يوم الربوع هيا وصحباتها عملو دي جي بارتي, بارتي من جد :) مو مقلب زي حق ماما لول,فعملوها انو حفلة تنكريا لول مرا سيلي المهم فكنت محتارا ايش البس, قولت يا باليه دانسر او برينسس-في النهاية لا لبس لا دا ولا دا لول-, فبتقولي اوختي انو كتير حيعملو برينسيسز, فاااعملي البالية دانسر
وانا مافيا واروح اشتري وادور, على بارتي فيها شلة سنوي مسطلين, فآز يوجول بعمل شغلي اخر الوقت, فبقول لوحدا من صحباتي الي باي ذا واي ماعزمتها لول مرا قليلة ادب انا
بسالها ايش البس وكدابعدينا لمن سرنا نتناقش في الموضوع جات صحبتي التانية قولتلها من زمان تعالي البارتي, فبان انو مرا عيب ناديت وحدا والتانية لا, فقولتلها"لسن اف يو وانا كم, تعالي اجيبلك كرت من اوختي" سكت شويا بعدين افتكرت انو بوكرا البارتي وشكلو اوختي صرفت كل الكروت ,فاستطردت" هادا لو ماخلصت الكروت لول" ماني طبيعية انواع قلة الزوق
المهم نسيت امرها
فاليوم التاني كان علينا اختبار يوم الربوع يوم البارتي, فطنشتها, الي في الليل بعد المغرب اوختي تقولي انو في كم كرت فاضل, فقولتلها كويييس خليني اقول لصحبتي عشان وعدتها وطنشت
روحت كلمتها وانواااع الكدب استغفراللله, انا مااكدب الحمدلله الحمدلله, بس ايش اسوي عادي يقولولي انتي رود فقولت "اجامل "شويا, يعني عيب اقولها"هاي..لسن..ترا في كرت باقي..دوبي عرفت..عشان كدا بااناديكي قبل البارتي بساعة"اروحت قولتلها استغفرالله استغفرالله" انو سوري واليوم نسيت اجبلك الكرت عارفة مع الاختبار وكدا, تعالي دحينا", قالتلي مايمديني ماادري مين عازمهم واصلن مافكرت ايش تلبس وبلا بلابلا
قولت طيب, فقولت طالما باقي كروت خليني "اتجمل "مع وحدا من صحباتي ,ديا البت كانت خارجة مع صحبتي الي حتروح معايا البارتي, فكلمت صحبتي الي اوردي حتجي قولتلها" لسن, قوليلها انو يعني يعني يعني يعني , دوبك قولتيلي انك معاها, فقولتلك اوووووووه قوليلها تجي البارتي"قامت صحبتي ديا الي بنتكلم عليها قالت لصحبتي الي حتجي معايا"دوش..صوت جيجي عالي" وجهي مو بس حمر, روحت عند ماما اقولها اودي وجهي فين من دي البت, كلو من جوال صحبتي رافعة الصوت علعااااالي, الي يتكلم طبيعي بيبان انو بيزعق, مرا كونت اكلم ماما من جوالها, وماما بتهزءني آز يوجول لول, فاابغا ارخي الصوت مو راضي, فاانواع الفضيحة كانت ديك المرا , اقولها مايترخى, تقولي مااعرف كيف
المهم بس صحبتي بتقولي انو ماسمعت ايش كونتي بتقولي بالزبط,سو مكانتي الاجتماعية قودامها لسا مازالت محتفظة بمكانتها والحمدلله
المهم وروحنا, واللهي مااكدب اوختي مرا مرا مرا امورا ياناسو عليها, قوية مشالله, ماادري حقون الدي جي اخلو بشروط العقد راحت عملتلهم فضيحة بهدلتهم مشالله, انا عبالي بوبو وديعة, طلعت تعرف تاخد حقها ما شاء الله, هيا تتضارب وانا اقولهم "العقد شريعة المتعاقدين"لاقيت الحورما تطالعلي كدا
ا لول روحت هببت رقص,لول لمن اليوم رجولي تعورني
تقولي اوختي الكبيرا رقصك جيد بس مرا متحمسا لولنادرن مارقصت باي ذا واي
!احسو سخافا,ايش ارقص دي
المهم وي هاد فن, وصحبات اوختي يقولو عني لزيزا ^^ ياناسو عليهم كل وحدا تبغا ترقص معايا,اها ومحد مصدقني اني في الجامعة, ماادري هوا شكلي باين صغير ولا من العبط الي عملتو لول لا بس من جد هما الي غلط شكلهم كبير, حتا حرام اقول شكلهم بنات جامعة :), اها وجات وحدا صحبت اوختي بوبو في الابتدائي, انا وهيا كنا في مدرسة وحدا, فلمن شوفتها سرت اقولها كبرتي يابنتي, واللهي من جد كبرت كانت نونو يعني ماكونت حعرفها غير لمن اوختي قالتلهي انو هيا ديك البت, فاوختي الكبيرا تقولي زي العجايز كلامك لول
فكانت البارتي مرا اوسوم ماشاءالله, محد بيدخن, محد بيقل ادبو, بس الي عصبني شويا انو نوصهم متنكرين انهم اممم احم استيبرز, ماني فاهمة يعني باللهي كيف لمن انا اكون بنت ناس وكدا والبس لبس سخيف زي دا واعمل حالي زي ناس مو كويسين لية
يعني حتا زوقين مو حلوا في حقهمالمهم مامتي بتقولي نامي دحينا, لازم انام, عشان كمانا بكرا ان شاء الله احل واجب مفروض اسلمو مو الربوع الي فات, الي قبلو :)ولسا ماكتبتو
انواع الخيابا
على سيرت النوم, ماي بيست فريند ليله الاختبار دقت عليا وانا داخله في النوم فمرا مسطلا, فبتقولي ادقلك بدري عشان تكملي موزاكر, فاانا نايمة بكلمها, ماني عارفة ايش بهبب كلام وهيا تقولي"طيب طيب"اخر شي قولتلها لسن انا شكلي بدءت اخرف, اكلمك بوكرا, اها وعشان تصحيني دقت عليا لايك ا ميليون تايمز, قولتلها ثانكس ورجعت نومت تاني لول
ايوا لمن رجعت بابتي بيسألني ايش عملتي في الاختبار, سرت اقولو انا بطلت اقوك كويس الين اخد المارك, عقدوني الوحشين مااحوبهم مازا بعد؟؟
ذاتز اول
يلا هاف انايس وييك
واللون دا البلوق دا بناءن على رغبت كاي :) 5月12日 Nana was fel hospital :(هااي اوول
لونق تايم ^^
مر عليا اسبوع, اسبوع بزمة, يعني تحسو من جد اسبوع من احداثو, اوختي دخلت المستشفى :( وتتهمني بعدم حبي لها, لانني اشعر بالقوروس ازا جلست معاها وباقي العيلة مشغولة سو اصابع الاتهام توجهت الي انا انو حبووو اختوو لية ماتجلسي معاها, لو تشوفو اصلن انا وقت الزيارة بس ايش اعمل, لول مرا رن التيلفون, واوختي مافيها تمد يدها عشانها تعبانا وترفع السماعة, فقالتلي انا ارد, لوول اجيب مناديل ديتول وارفع السماعة بعد تمسيحها واقول في بالي دا لو لاقيت احد مستني علخط يبقى كويس اني تعبت لسبب,واتكلم من بعيد والي تكلمني تقولي صوتك مرا بعيد واعمل حالي انو وي ايشبك!
المهم اممم واختبرت اختبار الاسبوع الي فات يوم الاحد جابلنا الاستاز تعريف شي, دا الشي هوا واحد من نوعين, سرت اقول في الاختبار هوا ليه ماجبلنا نعرف النوع التاني احسن! عشان النوع التاني فيلو تريك كدا وحركة, اخرج من الاختبار الاقي انو هوا طلب مننا نعرف الي فيلو تريك وانا زكائي اللاارادي اشتغل وخلاني اعرف التانيمع اني كنت حافظا الاتنين وحافظا حتا التاني احسن, بالنصص عشان كنت حاسة انو اهم من التعريف التاني, بس للاسف ماحفظت اسم النوع كويسسو دي 3 درجات طارو غير الاغلاط التانية
واليوم اختبرت اختبار بس حليت كويس الحمدولله, اصلن دا الاختبار كنت مررا ناسية موضوعو, ون اوف ماي فريندز يوم الجمعة جا قاللي"ها زاكرتي" قولتلو ازاكر ايه ياعم نتا! من متا وانا ازاكر اختبار يوم الربوع في يوم الجمعة!, قالي مو انتي قولتي انو عندك اختبار سيوم الاحد ويوم الربوع,
فاافتكرت انو عندي اختبار, وانواع التهزيء من بابا وماما, كانو يعني لو كنت عارفة انو عندي اختبار يوم الاحد كان زاكرتو في الويك اندانا ازاكر قبلالاختبار بيوم ويحمدو ربهم اني زاكرتوماما تتهمني انو عشان ابغا انبسط في الويك اند واخرج, ماجبت سيرت الاختبار
خلاص انا كبرت على كدا والله, بطلتها من زمان لول, افتكر مرا وانا سنة رابع اوخامس ابتدائي كان مررررررا نفسي اروح عند صحبتي يوم الربوع وعندي السبت حديث وماث, سرت اقول لبابا بليز بليز بلييز لت مي قو, وانتا عارف انا شاطرا ازاي في الماث سو دونت وري,وماجبتلو سيرة اختبار الحديث, على اساس انو ازاكرو بعدينا بيني وبين نفسيالمهم روحت ونسيت موضوع اختبار الحديث طول الويك اند, ويوم الجمعة في الليل افتكرتو, والله مو بس اترعبت لمن افتكرت, ناسية ايش عملت بس افتكر انو بابا او ماما كفشوني وانا ازاكر في الليل :) موصيبا من يومي لولالسواق امس يقولي "انتي موشكلا كبيرا" حبو انا:(هادا وانا مررا مديا وجة, ودايمن يصرخ عليا ولا اقولو شي, مرا قالي بابا انا اوريلك هوا يصرخ علي بنتي الي مايستحي, قولتلو لا حبو اخر شي يقول انا موشكلا كبير
ماااشيلا واليوم روحت اشتري بيرفيوم, فنوص الكولونيات عليها هدية,بيرفيوم تاني ولا بودي لوشون ولا شامبو, سبحان الله الا البيرفيوم الي اخترتو, سرت اقول للي يبيع تديني قيفت محرزا, اما عينات وكلام فاضي مااستفيد منو شي ماابغا, فبيقولي نقي بودي لوشون حق هيوقو ولا علبة ميك اب, المهم فااخدت البودي لوشون, شويا قولتلو جيبلي واحد جديد قاليواللهي مافيش ودي قديدا وماادري اية, سرت اقولو ماادري اية قالي"بااقولك ايه اية رايئك بقا تاخدي البياع دا-واشارا الي احد البائعين-هدية كمان" واللهي بدوون ضحك انو يقولي مسختيها
قولتلو لا متشكرين لول بس من جد ايشمعنا البيرفيوم حقي الي هديتو اي كلام! اايش تاني امم ايوا الويك اند دا كان مراا حلو ماشاءالله مع انو اوختي كانت في المستشفى بس كان بسطا, يوم الربوع بعد ماقعدنا مع اوختي وخلص موعد الزيارة مشينا, ومرينا من جنب البحر, باي ذا واي البحر دا انا مرررررررا مااطيقو, بحر جدة بالتحديد, رطوبة وقرف وحشرات ايوووو>< المهم فمرينا قامت اوختي الصغيرا قالت لبابا"ابغا اتمرجح" قالها لا ماعندي وقت, دا وقت نوم, قومت قولتليو "ايوا بابا ابغا اتمرجح انا"قالي طيب ^^ مرا انبسط انو انا قالي طيب وهيا لا لول بما انو انا حاطة نقري من نقرها, المهم قالنا بس شويا عوبال مااعبي بانزين واجي اخدكم, قولتلو بس ماابغا اوسخ شوزي اديني شبشبك, قالي طيب, وهوا بيديني هوا افتكرت انو من يومي صغيرا كل مااتمرجح لازم اخد شبشب بابا ولا شوزو عشان حقي لا يتوسخ ^^ ياناسو عليا :) المهم نزلت سرت اقول لاوختي بوبو الي في السنوي دفيني بقوة سارو البنات الي كانو يتمرجحو اول بشويش يتمرجحو بقوة تقولي اوختي خربتيهم, واوختي بوبو ياناسو عليها تمرجحني انا واوختي النونو والبزورا الي بدون مرافق كبير :)شويا جات قالتلي جيجي ترا معليش يعني انك ماعيشتي طفولتك,بس لا تحرمي الصوغار من انهم يلعبو, لول عشان كانو في كتير بزورا يبغو يلعبو وانا طوز باالعب مالي فيهم, حتا سارو يتناوبو بينهم وبين بعض يضحكو, ماهي حكر عليهم انا حرا ابغا العب
ايوا انا من يومي صغيرا عاملة فيها كبيرا مااحوب العب, يعني اي شي في احتمال اتوسخ ماالعبو, واصلن اللعب كلو ان جنرل احسو سخافة الي الان لمن اروح ملاهي ولا شي اطالع انو ايش السخافة دي ايش الي يبسط في اللعب دي, ولو اخد فلوسها واشتري شي عدل ليا يكون احسن =)
اممم فيوم الخميس خرجت مع صحباتي وحكيتهمعلمراجيح قامو اتحمسو وقولنا نروح نتمرجح في حديقة اوختي الصغيرا دايمن تروحها, روحنا, جاية اطلع من السيارة الاقي سيارة فيها صربيين يطالعولي كدا بنظرا تخوف وابتسامه مرا سخيفة, صرخت من الفجعا لول بس فرجعنا البيت, محد ياخد راحتو في الحياة دي طالما في ناس اغبياء كدا مطلقين في الشوارع, لمتا يعني حيفضلو كدا ماني فاهمة, حرمونا من الكثير من الاوقات الممتعة عشان سخافتهم
امم على سيرة الصراخ, امس واحنا في المحاضرا, يطلع سورسار من ورا, المشرفة الي علينا جات تقتلو بس ماادري فين اختفى, من يوم ماقالو اختفى وانا كنت حاااسة انو حيجي ناحيتتي, فسرت كل شويا اطالع ورا تحسبن من انو يجي, فلمن يجي يعني اقوم وابعد, شويا كدا جاية اطالع ورا ماليت في شي, وانا جاية ارجع عيني على قودام الاقي جنبي, مالاقي نفسي غير صرختتتتت وجريت على برا, اقول استاااازاا سورساار, , المهم بعد بحث قتلو, والله طيحت كتبي ونظارتي واقلامي وكلو لول انا اتفجعت اكتر من اني اترعبت يعني ماجا في بالي انو رح يجي ناحيتي بدون ماانتبهلو قبل مايقرب,
المهم عدت على خير الحمدولله
ايوا ففدي الموحاضرا الاستازا الي تشرف علينا قالتلنا عبو زي ورقة كدا رائيكم بالمشرفة وماادري اية, قمت انا كتبت رائي بصراحة مطلقة حتا كتبت اسمي مع انو مو مفروض يتكتب, ففي سؤال انو ايش رايكم بالمشرفات, فحطيت تيك على انو مو مرضي, وكتبت على جنب انو بعضهم مو كلهم, المهم فلمن شافتها المشرفة قالتلي لا بس مشرفة المادة دي, قولتلها لاااااء سوري انتي مرا حبو وكدا, قالتي لا عادي يابنتي وماادري اية, شويا قالتلي انتي مرا حساسا
ياه اي نو اني حساسا بس ايش دخل دا في دا!المهم انا ابغا اروح انااام مرا اتاخرت
يلا سي يا
ووش مي لاك في اختبار يوم الربوع
والله يوفق الجميع
واقين نانا بيبي سلاماااااااات ماتشوفين شر ياحبيبتشي
اختك جيجي الامورا
 سبحان الله وبحمدهـ سبحان الله العظيم
4月26日 Wateverrr :Sهاي اول
ازيكو؟؟ اليوم الجو قلق غبرااااااااااا مو طبيعية وهوا حاار سموم دا مو هوا, وريحة غرفتي
كانو في نونو طلع, ماادري من فين طالعة الريحة, كل شي كويس!هالمهم انا مرا ديسبوينتيد ديا اليومين :( اولن عشان الماركز, واللهي اخرج من الاختبار وانا متاكدة حاخد الفل مارك, بعدينا الاستاز حل معنا الاختبار, في تعليل وحدا من الصح والغلط طلع في 3 فقرات, وانا ماادري عنهم كتبت بس وحدا, فقال الي كتب وحدا حياخد درجة, والي كتب 2 منهم حياخد درحتين, والي كتب 3 منهم حياخد 3 درجات, سو قولت بالكتير بالكتيررر حنقص درجتين, لمن شوفت درجتي لاقيتها 25 قولت : يامنتا كريم يارب
انضم الي سجل الفل ماركات الي اخدتها في حياتي فل مارك اخرى", شويا الاقي صحبتي ماخدة 29 استوعبت انو الدرجة من 30اضحك ها؟ لول مرا اتحطمت الصراحة, وفي مادة تانية خرجت متاكدددددددة اني حاخد الفل مارك, الاقي اخدت 22 اوت اوف 25 :( هوا كويس الحمدولله بس دا وانا حالة كويس كدا اخدت جلست افكر في المواد الي خبصت فيها على كدا كم حاخد فيها
المهم اليوم في استازتنا مرررا مااطيق تصحيح دي الحورما, من التيرم الي فات وانا بتضارب معاها على عقليتها الغربية, دحينا في الاسئلة المقالي تقولي انا اجمع كل حلول البنات ودا يكون النوذج التصحيح الي بصحح على اساسو
اقولها وانا مالي ياست انتي بعقليه غيري انا تحاسبيني على الكلام الي كتبتو مو تقارنيني بحلول غيري! المهم دا التيرم اخترعتلنا صح وخطا جديد, يعني في حيااااتي ماشوفت احد يحط فقرات صح وغلط في شي مختلفين الفقهاء فيه هل هوا صح ولا غلط باللهي ايش تقولها دي! تقولي حطي الاشارة بنائن على الرأي الراجح! وانا وقت الاختبار حفتكر مين الراحج باللهي كيف, انا عارفة انو في اختلافات فقهيه وعارفة ايش هيا الاختلافات, بس الراجح ايش دراني عنو مررا جابتلي القلق ادتني 23 من 30 :( واللهي حبو كدا, انا جيجي الشاطر, يعني من جد لو على شي انا عارفة انو غلط مارح ازعل, اما تنقصني عشان منطقها الغريب مررا ماارضي, بكرا حروحلها اليوم كان مالي خلق اتضارب مع احد, بكرا بازن الله حروحلها, وربنا ييسروبعدينا بصراحة كدا انا مو عجباني طريقة الاسئلة حقت الاستازا المصريين دولا هيا المواد الي خبصت فيها بيدرسونا هيا مصريين, كلو تكتب زي العبيط اهوه! انا بصراحة احس عقلي وتفكيري اكبر من اني احفظ واكتب, يعني لو سالتني شي من بين الكلام حقولها هوا, اما تقولي اكتبي كل ماتعرفينه عن ماادري اية
كم اووون! حفتكر ايه ولا ايه,يعني العبيطا الي حفظت كلو تكتب الدش داك كلوو وتاخد الفل مارك, وانا الانسانة المفكرا العقلانية صاحبة التفكير السديداخد الدرجات دي! شيم اون يوو قايزاحس دي المرا درجاتي كدا عشان كان في احد كل مايشوفني وقت الاختبارات يدعيلي واتضاربت معاا
الله يستر بس لا يكون دا عقاب الي كنت بااسووي فييالمهم شي تاني محزني :( كنت من الاسبوع الي فات متحمسة اني اروح متطوعة مع قروب كدا لرد سي مول, حيكون في 250 نونو من جمعيه البر, فكنت مرررررررررا متحمسة اني اروح اساعد, انا نادرن مااتحمس فدا كنت متحمسالو بشكل مو طبيعي, يعني العادة زي دي الاشياء مااحوب اروحلها عشان لا اكتئب
 مرا ابلتي ودتنا عند حقون دار النقاها دولا ناس مريضين يئسو من علاجهم, فيودوهم مكان عشان خلاص يعيشو فيه الين يموتو ونسبة انو يتشافو مرا ضئيلة, المهم مررا ناس تحزن, واللهي اكتئبت اكتئاب مووو طبيعي, نفسي اتسدت عن الدونيا بشكل لا يصدق, حتا اليوم التاني الابلة سارت تسالنا عن انطباعنا عن الرحلة, جاية اتكلم قومت بكيت من كوتر مامن جد نفسيتي تعبت, يمكن جلست كدا كزا يوم, فبعد سنة عملولنا رحلة لنفس داك المكان مرا تانية, انا واختي سرنا نقولهم محنا طالعين معاكوم الصراحة, نفسيتنا تعبت المرا الي فاتت فكفاية, فسارت الابلة تقول الاااا تطلعوو, فمو بكيفنا قولتلها طيب بس حقعد في الممر ماني داخلة, تخيلو بس مرت سنة والناس الي زرناهم نفسهم هما هما, هادا ازا مازادو, يعني تخيلو انتو في سنة ايش تعملو انجازات واشياء وتعيش وكدا, وفي ناس محلك سر مرت سنة وهما على نفس الحال, فمادخلت اشوفهم ولا شي, بس صوحابي بيقولولي هما هما نفس الاوادم, بس في وحدا ست روحت سلمت عليها عشان السنة الي فاتت قالتلي بليز تعاليلي تاني, فقولتلها طيب, فعشان اوفي بوعدي روحتلها, اما الباقين لاءسو مرا نفسيتي تتأثر من كدا, فااستغربت اني كنت متحمسة على حقون جمعية البر, وكمان بزورا وحنوديهم العاب سو انواع الازعاج
ومع زالك كنت متحمسة, المهم طلع جاهوم متطوعين مرا كتير ومايبغو زيادة :( وانا سجلت اسمي مرا متاخر, عشان بابتي خايفة علينا يقول اتاكدي من جمعية البر الاول ازا هما بيعملو كدا ولا مقلب, الين كلمناهم والين كدا قيدو عدا وقت مرا كتير, وسجلو قبلي مرا كتيربس انا ماالوم بابتي, لانو خير ان شاء الله, يمكن ربنا عارف انو ححزن وكدا, قام خلصني من عناء دا الشي, او عشان الغبرا اليوم, كنت ممكن اتعب, او مليون شي فالحمدلله اني ويز
مازا ايضن ياه الويك اند دا مرا يضحك سار في مواقف مرا لول, ويوم الربوع خرجت مع صحباتي وانا ووحدا منهم بنعمل حالنا اننا ستات كوبار والله وحدا من صحباتي هيا كدا مرا سمبتيك تطالع فينا انا وصحبتي التانية كأننا مجانين
طول الجلسة وانا وهيا نتكلم زي العواجيز, وخاتم سوليتر واخر الماس, وسار موقف في الليل مررا بايخ لول نانا عارفاا فداك اليوم كان انوااع التسطيلمازا ايضن امم بس كدا
يلا اول ادعولي الله يفرجلي همومي :( ون اوف ماي فريندز يقولي, اسكوتي بس اخر وحدا تتكلم عن الهموم انتي
الحمدلله بس الواحد يطمع في ربنا مهما كانيلا سي يا وتمنولي التوفيق
n dis is an episode of my favorite cartoon :D yea it's okay u can laugh, wat can i do! i cant get enough from maroko :) she's adorable ^^
JIJI 2mora 25eer 7a8a :P
سبحـــــــــــان الله وبحمــــدهـ سبحـــــان الله العظـــــيم
4月18日 Nail polishs!! drove me crazy 2dayهاي اول
ازيكو ياجماعة؟؟وكيف كانت الاجازا؟
ماين واز..اممم اي دونت نو وات تو ساي بس, لو اقدر اتخب اكتر اجازة ماتستحق تكون اجازة مرت عليا حيكون الوينر هوا ديي تاتااات
بس واللهي الحمدلله, بقول لوختي نانا مو مرا سيئة بس ابدن مااتعودت اجازاتي تكون كدا, اول اجازا اقول فيها "ترا لو ماادونا اجازا كان احسن"لول يعني كل اجازا ارجع بكل نشاط وحياوية للدراسة, وسويت انجازات فيها-لاتدققو في انجازات- وزي كدا بس دي.........نوثينق, مرا ولاااااااااشي, بايخة مملة
نوصها اكتئاب عشان بابتي سافر ونوصها التاني اكتئاب من شي تاني-دلع
لاتاخدو بالكم كتير- المهم وماما زعلت مني فيها وبابتي وحالةيعني كانت مرررررررررا واو مو طبيعيي بس جا يوم السبت سارت
, وبعدينا علخميس بدءت تتزبط, بس للاسف كان مضى عليها مامضياني واييزز
بكرا حروح الجامعة انشالله, ويوم احد عليا اختبار, اكتشيلي هوا كويز, ولا فاهمة ولا كلمة, والكويز كلو مسائل, الاستاز كان يشرح فيهم وانا وقتها كنت ازاكر فيها الاختبار الي عليا بعد دي الموحاضرا, عشان هوا الي غيب ينقصو, فاانا كنت احضر وازاكر فيها اختبار المادة الي عليا في داك اليوم, سبحان الله اخر كم محاضرا لدي المادة كان لازم يكون عندي اختبار لمادة تانية, سو باللهي ايش اولى انتبه مع الاستاز وهوا بيوزع ورث جداتت ولا ماادري مين, ولا ازاكر اختبار المادة الي عليا اليوم الي لسا ماخلصتها وكل الي زاكرتو يبغالو مراجعا
؟سوودحين ان الاوان لدديا المادة المتراكمتو المسائل, ولسا عوبال ماالاقي موحاضرات احد جاب موحاضراتو معا بكرا عشان اكمل منو, اصلو مااقدر اكلم احد من ماي فريندز اقولو جيب دفترك عشاني فشلتهم معايا
مرا وحدا صحبتي برضو ماخلصت موزاكر,اصلن مرا كتيرررر سو فورقت انك تخلصو, يعني الشاطر هوا الي يبقالو قليل, لاقيتها في ديا الموحاضرا حقت المسائل فاتحة كتاب المادة الي علينا اختبارها,وشويا سارت تكتب مع الاستاز, قولتلها" هيي لسا ماخلصتي وبتكتبي؟؟ زاكري اقولك احسن, ازا الفهم نفهم بعدينا من اي احد, بس دحينا زاكري الاختبار يؤ ايشبك؟"حسيت كانو البت خافت مني لول, قفلت الدفتر وسار تطالع في الاستاز من غير ماتكتب, حسيت نفسي صديقة سوء لول, يعني البنت برضو مازاكرت احسها بس خافت مني قامت بطلت تكتب, يعني هيا مارح تزاكر مارح تزاكر قوم خليتها كمانا ماتكتب, بس من جد ايش الي اولى دا ولا دا؟؟المهمممممممممم اليوم ابغا احط مونيكير, واللهي لو اقولكم كم مرا حطيتو وشيلتو, دقيقة اعد...اول مرا عمل يد بسرعا, والايد التانية جلست امسح فيها الين قولت بس, مااعرف احط باليسار يدي بس تعمل تشيكينق, عشان بعمل فرينش مونيكير, سو بيغالو وزن لول,لمن مرا يئست انو يزبط, روحت لاوختي بوبو اقولها هيلب مي, الي اصلن ماعندها دوافر
كلو تاكلو, زيي وانا قدها, بس هيا حالتها صعبة مافي دوافر ات اوول, المهم اقولها حوطيلي, تقوم تحط وتدوس علريشة ماادري ايش اسمها, يقوم يطلع اللون كدا مشخطط:) جزء في لون وجزء لا, المهم قولتلها انتي امسكي الفرشا بس وانا اعمل عشان لا تتهز ايدي, قعدنا سنة, كلو ضحك, انا اعمل بدقة وحزر وهيا تجي فجاه تهزلي ايدي عبالها خف دم يقوم يبوز كلو, وهاكزا الييين قولتلها ثانكس ماابغا منك شي, قعد تاني ازبط في, مو راضي يزبط الين سار شي مقبول-اكره كلمة مقبول في اي شي في حياتي يعني لازم يطلع الشي بيرفيكت مااحوب كدا جسمي يحوكني بعدينا, الا في دراسة اصلن لو زاكرت مقبول بيقا مرررا كويس:)-المهم قومت غسلت يدي وكان لسا مانشف قام خرب كلو روحت مسحتو وااحاول ازبطو تاني-عشان صعبانا عليا اليد اليسار مزبوطا اخر حاجة,فااماابغا امسحها عشان خاطر اليمين, مالها زنب, اليمين هيا الي ماتسمع الكلام-المهم مليون محاولة ومازبط, اخر شي عصبت مسحتو كلووووو, رجعت احط المونكير علتسريحا, لاقيت الوان براقة تناديني, قامو صعبو عليا حبو مااديهم وجة, قومت حطيت واحد, لاقيتو مررا فاقع, قومت مسحتو, مسكت واحد تاني, حطيتو في يد, لاقيت اللون خفيف مو مرا باين, جاية اتقل فوقو, الاقي اصلن كان باقي شويا, سو هوا خفيف عشانو مخلص مو عشان لونو كدا, فماحيكفي اليد التانية, قومت مسحتو:), رجعت حطيت لون تاني, خلصت والحمدولله, اروح انطلق في البيت تجيني اوختي الصغيرا معصبا, ماادري ايش سويتلها تقولي "ماليك شوغووووول"وطاخ تعورني :( قومت ابغا ابعدها عني عشان حبو اوختو الكبيرا ماتضربها, بعدتها, شويا اطلع في ماي نيلز لاقيتهم اتعدموعشان مو مرا نشفو, رجعت الغرفة تاني, زبطت الضحايا الي خربو, واصلن انا زي ماقولتكم لازم يكون بيرفيكت فاامسحوو واعيد تاني مو احط فوقو على طول,شويا طالعت في اللون قولت ماابغاا, طفشت من كوتر مااطالع فيي, روحت شيلتو تاني وحطيت لون تاني وخلاص
اف مااعرف كم مرا سارو, بس بكرا الصوبح حشيلو وااحطو تاني عشان اصلي الفجر لول
المهممم مازا ايضن
بس كدا
لوف يو اول العالم الي بتمسجلي وبتعملي كومينتز مرا امامير :)
يلا اول سي وش مي لاك كما اتمناهو لكم دائمن
=) وعودة سعيدة للدراسة 4月12日 Luv u daddy ^^هاي
طفش..وزهق..وناس مش مؤدبا ><, ودادي مسافر
كنت اتنمنى تمضية الوقت برفقته في الاجازا :( بس للاسفاممم شو كان بدي احكي
اممم ايوا النسوان سوسايتي, مجتمع عبيط اخر حاجة, واللهي لمن اشوفهم اقول اعوزو بالله من ان اصبح يوم مثلكن, عالم غريبااااااا, تلاقي وحدا دكتورا وماخدة مليون الف شهادة من القمر ولمن ولدها يمرض تقول ماادري مين ادتو عيين!وتلاقي وحدا ست امورا اخر حاجة وماتخلي زوجها يسافر لوحدو, تقولها لييه تقولك اخاف احد ياخدو مني! طب ياستي خلي عنك ثقة بحالك مو انتي طول حياتك تقولي زوجي يحوبني وزوجي ماادري ايشبو طب لييه ماوقت التنفيذ واختبار هز لوف ليكي ماتخلي, اخر شي تكتشف-الي يتكلم معاها- انو يحوبها دا الحوب كلو عشان اصلن مافي فرصة تخلي يطالع في غيرها لول
المهم فمجتمع عبيط اخرررر حاجة,وحدا تكون مبسوووطة من عيالها, شويا صحبتها تقولها ولدي جابلي مااعرف اية في الموذرز داي تقولها لا انا الحمدولله ولدي عااقل ويخاف ربنا مابعترف بدي الاشياء-كدابة بس حوجا ولدها اكبر فاسد على مستوا جدة-تقفل السماعة من هنا وتلطش في ولدها "شوف اولاد الناس ايش يعملو لامهاتهم ..انا حظي كدا دايمن وحش ان كان زوج ولا ولد" وتبكي, وهيا قبل مايدق التليفون تلاقيها كانت هلكاه بوسات وانتا مافي زيك وياريت اولاد الناس كلهم زيك ومااعرف ايةولا مرا كنا انا وماما في سنتر, مااكدب عليكم كانت جالسة وحدا قودامي انا وماما, بس تشمق لمامتي, اقول لماما"تعرفيها؟؟"تقولي لاء!!!طب تشمقي ليييية ايش سوتلك لمن اقول لوختي الكوبيرا كدا تقولي لانو الست كلها عواطف فاي فكرا تقلبها لعاطفة, فهيا ميبي ماعجبها شي في مامتنا قامت عملت كدا,,,بس افهموني ياعالمممم دحين وحدا ماتعرفك, تحقد عليك لية! ماني فاهمة هبل اخر شي ون مور ثينق قاهرني, كل شويا احد يجيني"جيجي قولي مبروك..سرت اصلي"طيب مبرووك ومرا فرحانالكم وكويس كدا بس بصراحة ابدن مااتخيلت انو في كم قد كدا من الناس مايصلو! ياهو دي صلاة, يعني لو كنت اعدم انسان في الدونيا اتز اوكي بس لازم تصليها لا سمح الله ربنا بلانا بشي مو من قليل اتز صلاة بيبول! مرا وحدا صحبتي تقولي انها راحت بيت صحبتي, فوقت لمن ادن قالت تبغا تصلي لانو لو استنت الين ترجع البيت حيكون فات وقت الصلاة, فبتقولي كأي شخص مسلم لبست عبايتي وسألت عن القبلة,قامت صحبتها قالتلها مااعرف كيف القبلة, الرد الطبيعي لدا السؤال من باب السخريه حيكون"لية؟هوا انتو ماتصلو؟" والجواب الطبيعي هوا "الا.,بس.." بس دي البنت جاوبتها انو لا مانصلي !! قالتهلها طب بابتك مامتك مايصلو كمانا؟؟ قالتها لا مااحد قولتها كان قولتيها طب اسألو عن القبلة عشان لو تبغو تاخدو اجر احد لمن يصلي في بيتكم مازا ايضن
 بس كدا يلا سي
وتروح وترجع بالسلامة يادادي ياحبيبي :(ا 4月9日 I <3 Allah :)هااااااااااااي اول
لول قبل شويا اوختي الي في السنوي اكتشفت حتيتين مقلب عملتو فيها, قبل فترا عملتلها اد علمسن وهيا بنت الايه تقولي انا قاي
اسمي الياس لول وعومري 18لمن شوفتها بتكدب كملت معاها الكدبة انو انا وحده بنت ومااعرفشي ايه, المهم وعدت ايااام وشهور وقبل شويا اتضاربت مع "الياس" فقمت شكيت انو حيعملي بلوك فقولتلها انو انا صحبتك في المدرسة وكنت اكدب عليكي من اول واكتشفت انك....لول عشان بتعملي حالك قاي, وهيا تقولي انتي عبيطه ومحد حيصدقك عشان انا كل العالم تحوبني-شغل بزورا اخر حاجة- قولتلها مين دا الي يحوبك ياماما يالي ريحتك عرق-عشان بوبو تستحما مليووون مرا سو عندها وسوسه نظافة فبقولها انو معاكي حق توسوسي-وقولتلها كمانا ياخيبة ومااعرف ايه المهم ادتني بلوك...وبعدها علطول جات عندي بسرعة تقولي "جيجي جيجي بليز بليز قولي انو انتي البنت الي كونت اكلمها بليز بليز...:"("-شكت-وانا ببتسم ابتسامة مو طبيعية ماني عارفة امسك حالي قولتلها ليه؟؟ وضحكت طالعت فيا وقامت جرت الاب توب تبغا تشوف ازا انا الي كنت اكلمها ولا لا عشانها من اول شاكة, وانا ماقفلت الويندو حق المسن الي كونت اكلمها منها, وماقدرت امسك حالي سرت اضحك قامت طاحت في الارض من الضحك, تقولي مرا تعرفي تمسليبس كان موقف لزيز,بس للاسف خرب المقلب عشان مااعرف امسك حالي,كان نفسي اكمل المقلب انو في مؤامرا عليها في المدرسة وماااعرف ايه.. مرررا يبااااااااان عليا لمن اكدب ايوا دا المقلب كان عشان ارد فيها مقلب هيا عملتو فيا زمان, تقولي انو اسمها خالد, وامو في المستشفى عندها كلى, وماكمل تعليم عشان اهلو بس يدلعو اخو الكبير ويصرفو عليه احسن تعليم بس هوا محد يحوبو فماادولو مصاريف التعليم, وويسوق دباب ومرا واحد مشهور وانا عبيطة عشاني مااعرفو وفي واحد كدا مرا فيموس على مستوى جدة مات قبل فترا الله يرحمو تقولي كان صاحبي وكنت مااحوبو ومااعرف ايه,وصديق حياتو الي مررا يحبو زي اخوو مات قبل سنة وهوا كان رح يطلع مع صحبتو فاتعقد من حياتو وماادري ايه, وانا حساسة واحزن لمن اسمع اشسياء زي كدا :( اقوم اروح احكي بوبو "اختي"اقولها الحكاية وهيا بنت الايه عادي تديني نصايح وعظات ودا كلو كدب وانا اقعد اتخيل مأسي وحاله
الين يوم جا"خالد"قالي انتي شكلك دافورا قولتلو لا قالي الااا حتا تلبسي تنورا جينز وشيرت احمر وانا يومتها كنت كدا لابسة في الجامعة, قومت شكيت انو احد يعرفني وبيعمل فيا مقلب بس ابدننننننننن ماجا في بالي بوبو, بعدين قولت ياشيخة يمكن صودفا, قولتلوو طيب شوز ولا ساندالز,قالي اممم شوز؟ قولتلو لا مو ستايلي دا المهم شويا جات بوبو قالتلي جيجي تعرفي خالد,قولتلها ياه -اتوقعت تقولي انو انا وهوا عملنا فيكي مقلب- قالتلي دا انا
مررررررررا مااتوقعتبس فرجعت المقلب فيها هلق
خلصت امبارح اختشبارات وارتحت والحمدولله, مرا كانت ايام تطفش, فاامس عوضت كل الخرجات الي فاتتني مررا انبسط ^^الحمدولله وووو روحت اشوف الروليكسات لول عشان ماما تحن عليا وتشتريلي هيا
واليوم كان المفروض يكون اوف, بس امس وحدا صحبتي تقولي انو الاستازا قالت الموحاضرا الي فاتت انو نجي يوم الربوع وانا قيدني طول دا الاسبوع ماحضرتلها ولا موحاضرا فروحت, وصلت متاخر بتلت ساعة بس ماقالت شي كويس اصلن محد جا غير 3 بنات غيري لول فتحمد ربنا انو جيت حتا لو متاخر, ورجعت تاني علبيت علطول وها انا ذا
مازا ايضن, يا صحبتي سافرت المدينة وبابتي ميبي بكرا ولا بعد بكرا مسافر رحله عمل :( قونا ميس يا
امممممم ايوا صح في مرا صحبتي جبتلها قيفت قالتلي انها شافتها زمان وعجبتها وبعدها بيوم مريت الصوبح على ستاربكس قبل الجامعة فقولتلها اجيبلك كوفي قالتي تصدقي انا من اول نفسي بكوفي بس مافي في الطريق ستاربكس قولتلها دا اسم الله الودود انو يجبلك الشي الي انتي تبغي من غير ماتطلبيي, المهم فجلست اقول بختها مشالله, وبما انني انسانة مادية
والي بيقولولي انها صفة مو كويسة, حصرت ود ربنا في الاشياء, انو احد يجبلي هدية شي ابغا-ساعة روليكس مسلن يابابا=)-الين امس استوعب شي تاااني انو ربنا طول حياتنا بيتوددلنا بس ماعندي وعي كافي اني استوعب دا الشي, روحت انا واخواتي وماما تشيلز شويا من جدددد كنت اتمني بابا معانا ماتتخيلو قد ايه يعني لو احد قالي جيجي اتمني دحينا شي حقولو انو بابا يكون معانا, لانو بابا يحوب دا المكان واخر مرا كان معانا لمن روحنا, سو مرا افتقدتو عشان هوا عندو شغل ومايخلص غير مرا متاخر, صدق اولا تصدق دق علينا بعد فترا يقولنا ازا انتو لسا في تشيلز دحينا اجيكم, وهوا يخلص دوام مرا متاخر! فامس ماادري ايش في خلص بدري,فمن جد حسيت انو من جد سبحان الله ربنا كيف كريم اكتر شي كنت اتمنى داك الوقت انو دادي يكون معانا ودا شي مررا مستحيل ولا احد فكر انو ممكن يجي, يقوم ربنا يخلي يجي عشان انا من جد ماكونت رح انبسط ديك البسطة بدون باباسو مررا الحمدلله انو ربنا هوا ربنا
ميبي الواحد يطالع انو سو وات يور داد وجا, بس صدقوني كان مستحيل انو يجي, وانا وقتها كنت ماابغا ولاااااااشي غير انو بابا يكون معانا
فقيسو انتو في حياتك وصدقوني حتلاقو انو ربنا بيتودلدكم طول الوقت بس احنا مانستوعب انو دا من ربنا نستوعب انو عشان كان يوم ميلادي جابولي قيفت وصاادفت انو الشي الي ابغا وزي كدا
المهم لوف يو اول
وان شاء الله اجازة مرا واو تكون, بس الي ناوي يعم فيها شي غلط-هوا عارف حالو=)-اقولو تراي انك تنبسط بدون ماتزعل ربنا عشان عيب لمن ربنا يكرمك قد كدا في كل شي واخيرن في اختباراتك وانتا بدل ماتقولو شكرن تروح تعانو, بتعاند نفسك باي ذا واي-ان شاء الله فهم -لول
وبس
يلا سي يااااااااا 4月6日 One exam left, wish me luck ;)هـــاي اول
ياعم لك شو هاد, ماحدا سار يعبرني هيك, الاقي في اليوم يخزي العين 13 -14فيورز بس ولا احد يحطلي كومينت
ماسرتو تحوبوني ولا ايهالمهم اممم اليوم اختبرت اختبار وامس واحد كمانا, سو كان المفروض في الويك اند اقعد زي الامامير وازاكر, لاسيما انو كان الربوع عندي اوف, فاخد بريك, فالربوع المفروض بالنسبالي خميس =بداية موزاكرا استعدادا لاسبوع طويل من الاقزامات التي لا افقه فيها شيء ولا اعلم عن مازا يتحدث المنهج بالتحديد
خايبة اخر حاجةالمهم فبدلن من الموزاكرا من يوم التلوت وانا كلووو خرجات, يوم التلوت سنترات مع مامتي عشان تبغا تشتري مااعرف ايش لزواج مااعرف مين, امم يومتها وقت الصلاه روحت اصلي لاقيت 2 تركيات بيصلو وشعرهم ورقبتهم باينة لول بيصلو شيك
,وبيصلو جماعة وحدة في حته,المهم طلع انهم قريب جاو جدة رحلة عمل,مرا ياناسو عليهم :) لول داك اليوم مرا يضحك واللهي لو تشوفو الفساتين الي في المحلات مو بس لووول, ماادري ايش محسبين الستات, والفائز بااعبيط فوستان كان من نصيب فوستان فوستقي عاملين فتحتين مرا كوبار تحت ال......اممم كيف اكتبها دي....تحت الكتف افهموها انتو عاد,كل ماادير وجهي في حتة الاقي شي يضحك اكبر من الي قبلو وانا واوختي الكبيرا فالتين ضحك, اخر شي مامتي قالتلنا اطلعو برا, عملنا فضيحة لول,ولا الي يبيع لما شافنا نتريق ومافي شي عاجبنا كل ما ماما تسالنا عن رائينا في شي, فتح في الجودار زي دولاب بس مو باين, اقول لاوختي بوابة الاحلام قالك يبغا يبهرنا سري وغير قابل للنشر, زبايل اكتر من الي في المحل, انا واوختي مرا ماكونا طبعين سرنا كل فستان نشوفو نقول دا مين في العيلة يلبسو لول مرا كان يوم يضحك اممم ويوم الربوع برضو مازكرت وقضيت اوقات ممتعة على اساس اني ابدء موزاكرا اليوم الي بعدو بنشاط وحيوية, يجي يوم الخميس من يوم ماصحيت, مامتي تقولي في دي جي بنات صحبتها عاملينو سو لازم تروحي وانتي طول الاسبوع تقوليلي ماابغا اروح معاكي عند اوادم دي بارتي ياستي روحي عشان مرا عيب الناس قدروكم وماعزمو من العيلة غيركم وبلا بلا بلا
قولتلها عندي اختبار(الحجة الاخيرة)قالتلي"يابنتي مولازم"
ماماتي الناهضة في حقل الجبر على العلم والتعليم تحكي هيك! تقولي "اجلسي نوص ساعة وامشي"المهم انا قولت يلا ياشيخة روحي خصوصن انو بوبو اوختي المقنونا
حتروح -برضو غصبن عنها-وهيا شوية وحمشي روحت, كان دي جي ون اوف ذا كايند لول فيي عواجيز بمسافع!لا تسالوني كيف لانو انا لمن دحين ماني مستوعبا, يعني انا ضد الي يقول عواجيز خلاص يجلسو في البيت, وانا مقرار انو اكون اسير عجوزا ابقا برضو كول =) بس بمسفع وفيي دي جي!بيبول كم اووون
شويا اتضح الامر انها بارتي لمناسبة زواج مااعرف مين وجايبين وحدا بتاعت دي جي وقالوا عندنا دي جي
طب مايقولو انو في عزووووما انا جا في بالي انها بارتي وبسطا, طلع سمبتك اخر حاجة’ لول بوبو كانت رح تلبس جينز, كويس ماما قالتلها لا تلبسي كدا, وبما انو ماما قالتلها لا تلبسي كدا سو اكيد هيا كانت عارفة انها مو بارتي بالمعنا الي نحنا نقصدو, سو شربنا مقلب من ماما ولو انو ماما الي الان بتنكر انها كانت على علم انها عزوماالمهممم اختبرت امس واليوم
المادة حقت امس مرا مقيتاا عشانها مرا كتيررر كل سطر تلاقي معلومة جديدة,والاستاز حقنا هوا الي كاتب الكتاب, واللهي طول وانا بزاكر وصوتو في ادني, حافظ الكتاب حفظ مشالله, نفس العبارات الي في الكتاب بيستخدمها(ومعا زالك,غير انَ,واننا نناشد المشرع السعودي,واننا نرى انه كان من الاولى والاصح) انطقو كلو بالمصري لول
وكل شييييي يعلق عليه, اي شي يقولو المشرع يطلع في غلط,حتا "او" يقول المفروض تكون "و"مرا فاضي, طيب خلاص على عيني وراسي رائيك وحلو اقرا رائي الناس عشان افهم احسن وافهم الناس كيف بتفكر, بس لا تطالبني برائيك في الاختبار!ميبي اكون مو مأيدة رائيك, صح كلامي ولا لا؟؟
سرت اكتبلو في الاختبار بدل مااكتب الجواب على طول اقولو اول شي "ويرى المؤلف"لول
واختبار اليوم استازنا حق دي المادة مرررررررا ماادري ايشبو, دخل معانا جزئية ماشرحها يقولنا بعد الاختبار اشرحو ليكم
هلووووووو بيبول لاتظلمو الراجل, قال حيشرحها بعد الاختبار زعلانين لية الانتفاجأ في الاختبار انو حاطط سؤال برا الجزء الي حددو, كتبتلو اخر الاختبار, "دكتوري الفاضل, اجتهدت في حل هذا السؤال لعدم اشتمال المنهج المقرر في الاختبار لهذه الجزئية"ا
سرت اعرف اتكلمو مو
ماشاءالله احم ياه صح, انا اول ماشوفت الاسؤال افتكرت انو شي من الي مازكتو او الي مريت عليه بسرعة, اصلو الواحد لمن يزاكر اخر الوقت يسير ينتقي بزكاء الي رح يزاكرو لول فجا في بالي انو الله يعيني دحين علتأيف, الين البنات سارو يقولو دا مو داخل معانا!ومااعرف اية,ماادري هما ايش بيعملو,باللهي في احد عليه اختبار يقوم يقرا الجزء الي بعد الاختبار والمشكلة انو الاستاز ماشرحو, سو ايش دراهم انو بعد الجزئية المحدد!الا لو كانو قروو,شو هلدفرنا..اني ويز الاستاز قال حلوو بعدينا هوا يتصرف فا"اجتهدتو برائيي"
ووبس كدا
يلا الله ييسر اختبار يوم التلوت
ولوف يو اوووول, ونشدد على بابا الرجاء ان تشتري لي ساعة روليكس عشان انا في البارتي سرت اعد عدد البنات الي لابسيبن روليكس الموديل الي انا عايزة, سو شكلو سار هوس,فالحقني من بدري.. ننتظر مبادرتكم الطيبة
وشكرا
ابتنك جيجي الي حاسة انها مش طبيعية اليوم
4月2日 Gotta Study :Sهاي
اي قوت نوثينق تو ساي..بس طفشانا اوي :( عليا اختبار والمفروض اني قاعدة ازاكر, الكتاب جنبي اهوه متفتوح, بس مليش نفس, وماابغا اخرج عشان لا احس بتأنيب الضمير, انواعع الطفش :(ا
ايش دا؟ ليش هما يختبرونا؟ عبط, خلاص الي مايبغا يستفيد هوا حرا هوا الخسران, هما عليهم انهم يدرسونا وبس, فهمنا فهمنا لنفسنا مانبغا نفهم خلاص كل واحد حرر هوا الي رح يخسر
لا ويزبطو جداول وقاعات اختبار وبهدله علفاضي
لو يسلموني زمام الامور بس شهر حزبط كل شي بإزن الله =) وارتب البلد دي دا ازا مو العالم كلو
ةمازا بعد...ياه مامتي حزنت مني عشان ماابغا اروح معاها زواج ماادري فاتحة ماادري ايش, باللهي في احد طبيعي يتزوج دا الوقت؟؟كلها اسبوع ونأجز!طيب ماااشي لو مستعجيل يستنوو الويك اند طيب! نوص الاسبوع يعملو, ايش الهبل دا, وانا مالي بيهم يتزوجو وقت مايبغو بس ماماتي تزعل مني عشانهم ليييه, خلاص انا حرا ماابغا,ويقولولنا بعدين احنا ديموقراطين, قولتها لا قالتلي الاااا وبليز وانا مااطلب منك شي ولمن اطلب تقوليلي كدا ومن دا الكلام قولتها مااوعدك, جات اليوم التاني-يوم الزواج-تقولي ها ياجيجي خلاص قولت لمااعرف مين انك رح
تجي معايا قولتلها ماما انا قولتلك مو وعدسارت تقولي انتو دايمن كدا لازم تحرجوني مع الناس, والناس تقدركم وانتو تديهوم بالشوز ومااعرف اية ومددت بوز وزعلت , وانا حبو ماعملت شي ويومتها من جددد كونت تعبانا واللهي نومت في الموحاضرا
نوص ساعة لول من 12 الا روبع الين 12 وروبع وانا نايمة والمشكلة جالسة في تاني صف, اهم شي الثقة,=)ا,فبجد كنت تعبااااانا اوي وحاطة في بالي انو اليوم الي بعدو عليا محاضرات مااقدر افوتها, وماحقدر انام لمن ارجع البيت عشان لازم اروح الكوفير, وطول السهرا حقعد مكشرا قدني معصبا خلقة وماما حتعصب مني زيادة وميبي يتلخبط نومي وانا عليا اقزامز الاسبوع الي يجي فمليون شي في راسياخ يارسي, قبل شويا روحت عند بابتي اقولو"دادي..لو لو لو لو لو لو" قالي "ايش؟ تخرجي لحالك؟ مافي"قولتلو "لوول ياعم تضحك ماتعرف ايش رح اطلب منك"باي ذا واي انا الين دحين مااطلع غير بحضرت شخص اكبر مني, وصدق او لا تصدق انو اوختي الي اصغر مني يخلوها تطلع لوحدها وانا لاء! مااعرف هما محسبيني بزرا كدا ليه, وبعدين يقولولي انتي لية ماتتحملي مسؤلية شويا!مو شايفة انو عندي اهل حتا مويا حارة يقولولي هاتي يابيبي لا تتعوري انا اصوبلك هيا
االمهممممممممممم قالي"قولي يابنتي"قولتلو "اممم..لو لو لووو مسلن مسلن يوم من الايام كونت انا واخواتي طفشانين.وانتو مشغولين مسلن مسلن ينفع انا واوختو الكبيرا نسافر سوا؟..حق 3 ايام اربعة!"قالي"لااااا ابدن مافيها شي بس فيها..." وجرلي ادني وجلس يضحك وحضني ^^بيبي بابا, بس من جد انا مااحوس فيها شي, مو هما كانو رح يسيبونا في يوم من الايام في البيت لوحدنا ويسافرو! سو نفس الشي, بلعكس لمن تجلس في اوتيل أأمن من البيت لوحدك, هناك في سكيورتي اما في البيت ممكن الحارس هوا الي يسرقنا لا سمح الله لانو عارف انو مافي احد غيرنناشو هل اهل هيدول, لو هما يبغو يسافرو ويسيبونا اتز اوكي, ولو احنا نسافر ونسيبهم مو اوكي, انا خايفة افتح الموضوع مع ماما الاقيها رمتني برا البيت قبل ماخلص كلام,بس من جد محد فاضيلنا سو لازم ندبر حالنا بنفسنا, كل واحد مشغول بشغلو, خلاص يسير في الاجازا احنا نسافر لوحدنا,واتز رونق وذ ات!
المهم انا مرا طفشت حروح
يلا باللهي وش مي لاك :( وادعولي اخلص موزاكرا بسورعا واخد فل ماركز و بابا يحن عليا ويشتريلي روليكس =) وويتحقق كل الي في بالي وانا انشالله حدعي انو يارب يحقق الي في بال كل الي يدعيلي :) وقود لاك لكل الي بيختبر وبوبو حبيبي ^^وكل العالم
Jiji
سبحـــــــان الله وبحمــــده سبحــــــــــــان الله العظيـــم
4月1日 Sara is my Best friend evaaa :"(هاي اول
ابغا انام من اول, بس باعاند واقاوم عشان في شي لازم اسوي وماسويتو لدحين المهم الويك اند الي فات كان مرا لزيز والاسبوع دا زريف ماشاءالله وفي "التزام"انا ونانا بمواعيد يعني اممروحت عند ماي بيست فريند سارة الخرجة السمبتيك الي لازم كنت اوجّب واعملها وارتاح منها, والله اكره ماعليا اروح عند اوادم كوبرا, اسشور شعري :) واكدب علعالم بشعري لول, واقعد مؤدبة, ولابسا سمبتيك, واعمل فيها البت الي هيا, وارسوم ابتسامة باااين انها كدب واني ماني طايقة احد, وبعد كل دا العناء تجي وحدا سخيفة عندي قودام ماما"لية يابنتي مكشرا"وماما ترجع البيت تقولي "لييية قولتلي لبنت عمت ماادري مين انو ماادري اية" وحووووسااا.. انا اصلن اكرررررره روحات البيوت, ازا صحباتي مرررا اشتاقو يجلسو في بيت اقولهم تعالو بيتي اما اروح انا بيوت العالم قمة الطفش, اقلها في بيتي احط الموفي الي ابغا, اككلهم الي ابغاا, لمن اطفش اقولهم اتفضلو بيوتكم لو سمحتم جبتولي القلق, بس لو اروح بيت احد, كل شويا تنطلنا مامتهم ولا عمتهم ولا ستهم ولا المهم تطالع نظرات مانتا فاهم ايش تبغا, ويقولولنا وطو صوتكم ماادري مين نايم وماادري مين يزاكر وعبط المهم المهم فمرررا انبسطت لمن قالتي صحبتي انو اجي بيتها مو بيت مامتها, عشان مامتها مرا اخاف منها لول بس تزعق, في ادوام مافي اوادم عادي كلهوو سيان -نايس ورد^^- ودااااايمن كل ماادخل البيت تقولي"فين ماما"وهيا عارفة انو مامتي ماتطيقها, طب تسال ليه!! وانا استغفرالله طفش من الحوجة دي الي"ماما في البيت مع اوختي الصغيرا" قالك قالك ماما دارية عننا فلمن صحبتي قالت تعالي بيتي مو بيت ماما مرا شالت عن عاتقي عبء كبير-لالالا مفرداتي العربية بدءت بالازدهار-روحت واخدت اوختي الي اصغر مني بوبو المقنونا خخ سوري بيبي ^^ايوا وانا خارجة روحت ابوس بابتي واوري قمال بنتو^^ قالي قولتي ليور فريند انك رح تجيبي بوبو معاكي, قولتلو لا,قالي عيب يابنتي, قولتلو اسكوت بس يابابا بالزات مع دي البنت لا تقول عيب دي جابت مرا كل اخواتها الصوغار معاها وهيا جاية عشان تزاكر معايا,ماما اصلن هيا خلقة ماتحوب صوحابي -تقولي ناس مش مؤدبا..بس واللهي حبو يعني من جد صح انو سبحان الله اسوء شلة هيا الي دايمن تتلم عليا, بس طيبين, وبالزات سارة صحبتي دي البنت الي من جد مافي زيها في الدونيا دي, المهم فماما عصبت عشان عندها موزاكر يعني موزاكر, والدادا كان عندها اجازا, وماما شطررررا خالص, سو البيت في نوص يوم ينقلب رأسن على عقب بدون دادا...وفي ضيوف وايام اختبارات, سو ماما هيا الي رح تتولا ضيافتهم وتمضيتهم امتع الاوقات,واللهي لو ماما قريت دا البلوق بالراحة حترميني من اقرب شوباك..لوف يو مامي^^ << عشان لاتعصبي اهوه قولتلك بحبك المهم روحت وانبسط اوي, عجبتها القيفت بس تقول مااحوب الساعات المدورا=) احوب الناس الصريحة ياناس عليها, قولتها بس دي من جيجي يامورا سو يو هافتاا لايك ات ^^..واسترجعنا زكريات الماضي الجميل, واكتشفنا بربط الاحداث انو العالم كانو يفكرونا منحرفين ولا شي خخ ...مرض سار,احس الي في السنوي دحينا ومو لاقيلو هرجة تعمل فيها.... بلاش اقول كلمات مش ولا بد عشان في قاصرين بيقرو بلوقاتي :) اني ويززز الله يهديهم اها تقولي امورا ولزوزا ااز دايمن ^^بس نحفتي زيادة:(احكيكم حياتي مع الوزن دا مرا تانية
ياه صح مرا كونت قاعدة انا واوختي وصحبتي هادو, شويا مرت صحبتي كانت معايا في الابتدائي :) هيا البنت قد شوفتها قبل كدا في الجامعة لاحظت من كلامها انو ساير بدوي, عشان هما مااعرف فين نقلو شغل بابتهم ورجعت في الجامعة جدة, وشكلها اكتسبت اللغة من الخارج لول, المهم فكنت اتكلم معاها, ونفسسسسسسسسي وهيا تتكلم اقولها"اية اية" لول ماني طبيعية عارفة, المهم شويا قالت "لو اتوهقت ح...." انا عقلي ترجم دي الكلمة كدا قولتها "سوري..ايش؟؟" قالتلي"لو اتوهقت ح..." وبتقولها بشويش قالك قالك حفهم لو قالت بشويش :),بس فهمت من صياغ الكلام انو لو اتزنقت, فقولتها"اييييه, ماعليه,بس ذا شي لابد منه"باكسينت بدوي, لاقيت البنت طالعت انو بتتريقي عليا! وخلصت الهرجة بسرعة وقالتلي يلا باي وكدا, اوختي تقولي عيب عليكي البنت تفتكرك بتتريقي عليها, وانا اي سوووير مو قصدي, بس انو بنصحها بلغتها, وهدوش ياناس عليها لول تقولي "ماشاءالله تدقني اي لغة تقلديها" شايفة الناس البوزيتيف ياحجة نانا
وووكان عندي اقزام يوم الربوع الاستازا عبيطة عبط غير طبيعي, تجبلنا شي مختلفين فية الفقهاء بين النعم وال لاء وتقولنا ضعي صح او خطأ بدون تعليل وات ذا هيل, تمزح صح؟ يعني لو في تعليل حتقول انتا مأيد رأي اي فريق, اما كدا! طايرا باللهي ايش تجاوبلها, ومو فقرة وحدا مليووون وحدا بنفس الاسلوب, وقيدني كتبت كتابة 3 صفحات بقلم جاف فيدي مراا مكسرا وقوايا مهتنكة مادري منتهكة مااعرف كيف ينطقوها المهم , اضف على زالك عصر الدمااغ,عشاني قاعدت اخلص الي مازكرتو وهيا بتوزع الورق فانوااع اللخبطة وانواع الافتاء وانواع الاجتهاد الشخصي والعبارات البراقة عشان تفتكر انو يعني يعني بجيب الكلام دا من خلفية سليمة وعقل نضيف وماهي داية انو دماغي كلو لعب والخرجة الي رح اخرجها مع ماي سسترز بعد الجامعة, المهم فبسالها على الصح والخطا, ماتبغا تجاوب, ياحورما افهميني,"ابدننن لا تناقشي", والله ماتجي,"لاء اكتوبي الي انتي عارفاة والي انتي زاكرتي",قامت حضتني, وانا معصبة وعبالها حنكسف يعني لمن تحضوني, قومت دفيتها بقوة اقولها "طب قوليلييييييييي ازا ايوا ولا لاء" حبو لوول صرخت عليها ودفيتها بقوة, قالك تبغا ترشيني لمن تحضني واني حنكسف, الله يستر بس حتا ماسالت عن الحل, بس كتبتلها تعليل عشان لو قالتلي غلط اقولها اقري التعليل وانتي تفهمي انك انتي الغلطاخيرن وليس اخرن عليا الاسبوع الي يجي 3 اقزامات مهببا ورا بعض, من المواد الي الاستاز يهرج وانا ماني دارية هوا ايش بيقول, واقعد انمي موهبتي الي اكتشفها في اثناء احد دي الموحاضرات الا وهيا الرسم =)...الي تراقب علينا في وحدا من المواد وحدا مرا كشرا وعصبيا ومافي لعب معاها, شافت الرسمة جلست تضحك,يوم من الايام احطها انشالله يلا اول هاف انايس وات ايفررر وادعولي وزوز والله اي لوف يا مررررررررا كتير الله يسعدك ويخليك لينا ثانكس علكومينتز والمسجز وايفري ثينق باي JIJI 2mora a5er 7a8g
note: de alword i dunno bs sarat las8a feeya faj2a..badal "mara" sarat "a5er 7a8a" nice one ha? ;) yalla c ya 3月21日 Salamat Dosha :'(هاي اول لول مرا دقت عليا في الليل(الخميس) تقولي جيجي لاتقولي انك كمانا اليوم مارح تجي, قولتلها سوري ومااعرف اية سارت تقولي ليش طيب قولتلها خلاص خلاص مو لازم قالتلي حزعل منك لو قفلت وماقولتلي :S قولتلها اورايت اورايت اليوم الصوبح خرجت اجبلك قيفت فكنا بنفطور في فدركرز واخواتي عاجبهم الوضع فطولنا بس وصلت التحلية سنتر لاقيت كل الامكان بتقفل عشان صلاة وبعد الصلاة مافتحو ومامداني اخرج في العصر, قاتلي اها طيب لمن حكيت بابتي قالي انتي هبلة وهيا اهبل منك لول واللهي العظيم مشالله على بابا ابدن مايسوب, انا لمن اقول عبيطة ويتش از صفة باي ذا وي مو سب يصرخ عليا يقوم يجي يقولي كدا والله اي لوف دي البنت مرا كتير والويك اند الي فات كان مررا وااو والي قبلو نايس اكتر روحت مكة عملت عومرا ^^ بس دا متأملة انو يكون بكرا نايس يعوض اليومين الي فاتو :) مازا ايضن..بس كدا خلاص يلا وش مي لاك في الاقزامات كما اتمنى الحظ الاوفر لكم جميعن, وكلنا سوا نتمى الخسارا الكبرا غدن لبدر مع احترامي للفانز تبعونو ولو اني مااعتقد في فانز =) لا اقصد الاهانة يلا سي يا Jiji 3月3日 I woke up late AGAIN so N0 schoOl 4 2Dayهاااي اوول
اليوم وكماجرت العادة صحيت متأخر, ولكن الجديد في الموضوع انو اوختي الكبيرا مشيت وسابتني :( بابتي قالي"جيجي انتا لسا ماقومتي!!اختك مارح تستناكي" قالها وهوا معصب :( حبو انا,واللهي جد ماادري انا فين اروح لمن انام, لمن احد يصحيني اصلن ولاارد افتكر مرا زمااااااان بابتي كان يصحيني, واسمعو يقول "اعوذ بالله من الشيطان الرجيم..جيجي.جيجي.اعوذ بالله من الشيطان الرجيم"بيقولها وهو مفجوع,لمن قولتلو ها قالي فجعتيني يابنتي, عبالو ميبي موت لول المهم فياه انا لمن ناو ماي بيرنتس يصحوني لول عشان من جد من جد لمن انام اروح عالم تاني مااسمع الي حولي اصلن, فكلو من امس ايش سار, انا اول تيرم في حياتي يبدء ويعدي منو كم اسبوع ولسا بكون فيه باسهر-عشان الاجازا-يعني لمن انام مسلن كل يوم الساعة 4 انسو الفكرا انتي انام ابدر من دا الوقت مع انو اصحى الساعة 7 سو كلها 3 ساعات, ارجع البيت خلاص ماانعس غير على الساعة 4 الليل اليوم التاني وهاكزا, فعادتن كان مايعدي اول اسبوع دراسة غير وانا حالة المشكلة دي, كييف, انو اواصل لليوم التانيوطول اليوم اقضيي برا سو ميمديني,يعني تجي الساعة 4 الفجر الوقت الي مفروض اتخمد فيي اطنش واروح امارس نشاطاطي المختلفة:) واخلص جامعة اخرج برا الين علمغرب او اكتر ارجع البيت استني العشا ازا ماكان ادن اصلي وانامبس دا التيرم ماادري ايشبي ماحصل كدا,كان على وشك الحصول بس كلو من اوختي الكبيرا, امس مرررا ات واز فن خرجت انا وماي فاملي نتغدا برا سبحان الله كانو بيتريقو عليا كيف وضغي في الصباح شويا احكيكم المهم, ورجعت البيت علمغرب صليت المغرب, وقولت وقولت بس يادن العشا حنام شوفت السرير قوت بس اتمدد -دي الحركة الي توقع :)- المهم ونومت شويا اصحى على الساعة 11 الا شويا على انغام الموسيقي, مااعرف ايش الزوق دا في احد نايم باللهي باللهي ينفع يانانا انك تشغلي ميوزك!! دي ماي سس, صحيت وخلاص انا لمن اصحى في وقت ماانام فيه عادتن خلاص ماانام تانيسو ربنا يسامحك يانانا :) لا والمشكلة اقولها رخي الصوت تقولي "خلاص اكتر من كدا ماينفع بطلي انانية!؟" لووول ميبي انا الي ملخبط في تعريف الانانية المهم وهاكزا جات الساعة 4 الوقت الي مفروض انام فيه, بس كان في نقاش حاد علمسنجر كانت الساعة 4 قولت خلاص 5 دقايق اخلص الكلمتين ديا واروح سبحان الله لاقيت الفجر ادن مافي بركة في الوقت, بس كان موضوع من جد مهم, عن مين اكتر زكاء البنت ولا القاي, طبعن البنات مع احترامي لكل القايز بس بجد البنات ازكي, كل الدراسات تثبت ذلك,وبعدين انتو لاحظو دا الشي لمن مسلن بابتك يرفض شي رفضن باتن وتجلس تقنع فيه ايام مافي امل منو,تروح لميين؟؟ لمامااا,ماما دي ماياخد منها 5 دقايق الا وبابتك يقولك طيب او ات ليست توصلو لحل وسط ويتش از قود مقارنتن بالرفض القاطع الي كان اول, تاني شي انو كل او اغلب -لتحري الدقة:)- القرارات المهمة في البيت الست الي بتتخذها مع انو ظاهر الموضوع انو الاب الي بيتخذها,كييف؟؟ انو الست تقعد تلف وتدور تلف وتدور في الكلام وتخلي الراجل يستنتج من حالو الفكرا ويروح يعملها,سو في النهاية هيا الي في راسها مشي مع انو ظاهر الامر انو الراجل دا هوا الي قرر الكلام دا, وهنا تكمن حكمة جملية ويدل ذلك على زكاء مطلق وهوا انو لو صرحت برائيها في القرارات الكبيرا التي تكون غالبن على مستوى رفيع من الاهمية والمجازفة وطلعت نتيجة هذا القرار موكويسا هيا ماتتحمل مسؤلية دا الشي بعكس الراجل الي تتوجهلو اصابع الاتهام سووو مين الزكي بقاا؟؟؟؟ اي هوب انو الفكرا وضحت بس ريلي عمومن البنات ازكي انتو بس جيبو وحدا عمرها 16 وواحد عمرو 16 شوفو مين الي يفكر,البنت طبعن,سوري قايز بس ذات ذا تروووث مع انو الصراحة انتو القايز شغلهم ادق من البنات, لمن احد يقولك تروح عند ميل دوكتور ولا فيميل دوكتور,تقولو طبعن الميل,لانو الستات تحسهم مشغولين بمليون شي غيرك
المهم المهم فنومت مرا متاخر وصحيت بابتي قال مفيش جامعة عشان لا تاخري اوختك قيدو كان الوقت اصلن متاخر هيا بنفسها حتوصل متاخر,وهانحنو ذا اممم ياه امس اخواتي يتريقو عليا كيف في الصباح اكون,روحا ورجعا علغرفة كل شويا انسى شي, والله ميبي اقوم 10 مينيتز قبل الموعد-ودي تكون المرة الي بعد 1000 نتجح محاولة احدهم في ايقاظي-وانواااع الربشا, امس فور اقزامبل نزلت بسرعة بسررعة وشيلت ماي فيفوروت ايرينقز في يدي عشان البسو في السيارا :) فااوختي قالتي انو نعمل سويتش هيا تجلس مكاني وانا اجلس مكانها ففتحت بابا السيارة وبدلنا الاماكن,لفاجأ بعد مدة من الوقت انو الحلق مو معايا :"( فشكلو طاح لمن فتحت الباب, كان ماي فيف :( المهم انا عادي دورت عليه مالاقيتو قولت :( حلقي ضاع,فااوختي الكبيرا استلمتني انتي طول عمرك كدا ماعندك مسؤلية وماادري اية ومادري اية, هيا زعلت علحلق اكتر مني :) بس انا من كوتر الايرنقز الي ضاعت سار عادي والله مو مرا زعلت, من يومي صغيرا وانا اضيعهم, اتضايق منو مسلن(باي ذا واي انا الايرنقز تبعتي مرا صغيرا اكره ماعليا الحلقان الكبيرا,احس الي يحوطها يبغا يعزب حالو,ايشش في اكتر من واحد يشيل اتقال على ادنو!)فااتضايق منهم اشيلهم واخليهم جنبي فيضيعو, يعني احيانن اجي اليوم المدرسة الاقي وحدا تديني حلق تقولي مو دا تبعك ياجيجي-تكون فردا وحدا ناجية باي ذا وي- اقولها ياه تطالعلي انو ايش البرود دا ماهي دارية انو سار عندي علبا كاملة ايش كبرها فيها سنقل حلقز لوول لا والمشكلة انو يكون دايموند ولا دهب,فمااقول لماما عشا لا تقتولني,مرا انا وصحبتي بدلنا هيا اخدت حقي وانا اخدت حقها, ضيعتو لوول فقولت لماما عشان اشتريلها واحد تاني وانا كنت في السنوي فماعندي فلوس تكفي اشتري دايمنود وماما ماتدري,المهم فقولتها برضو سارت تقولي من دا الكلام الي تاخدي اشياء الناس وانتي ماعندك مسؤلية ليه وكدا, سبحان الله سبحااان الله ماادري ماااااااعرف ايش الي خلاني افتح الغسالة,لاحد يسالني انا اخدت التهزيء وماما قالتلي يلا نروح نشتريلها بدالو مريت من جنب الغسالة ماادري ايش الي خلاني افتحها بجد لا تسالوني لاقيت الحلق جوا :) فشكلو كنت حاطا في جيب المريول لول
عمومن انا عندي مافي احلا من دايموند ايرنقز صوغار كدا واللهي حتا لو بس كنت رافع شعرك تبان امور,ماني عارفة ليش بتكلم بصيغة المذكر اممم المهم ايش تاني ياه برضو امس وهما يتريقو عليا انو كيف اكون مستعجلة الصوبح,حكيتهم انو مرا قريب دي سارت, انا اجري واللهي اجري بدون مبالغة من الغرفة للباب افتكر انو في شي نسيتو عند الباب, ارجع جررري ,انزل افتكر انو نسيت شي اطلع جرري وهاكزا يمكن اقل شي اجري مرتين في اليوم لول المهم فنزلت ومعايا شنطتي وحطيت الفايل جوتو كل شي يتعلق بالدراسة والشنطة حتا قلم مافيها,حاطا كلو في الفايل المهم نسيت شي فحيطتهم علسوفا روحت الغرفة اخدت الشي روحت عند السوفا اخدت الشنطة وصلت الجامعة استوعبت اني مااخدت الفايل سرت اقول لصحبتي دوشا :) انا جاية الجامعة لية لول فالمهم انواع المواقف الي زي دي,واختي الكبيرا مسكينة هيا الي تتاخر, لسا قبل امس هدوش تقولي غريبا وانتي بتتاخري كدا انو عمرهم ماراحو وسابوكي,اهوه سابوني :( يلا ارتحنا اليوم من الدراسة سو اتز اوكي بس انا خايفة انو تطبق العقوبات عليا, ففور شور انو بابتي حيقولي مافي نت ولا تي في في الليل عشان انام بدري وانا الصراحة اكره ماعليا دي العقابات تخليني اعاند:( مااحوب الي يتعسف في استعمال حقو هوا,معاه حق يعمل كدا بس انا الصراحة مااحوب احد يعاملني بدا الاسلوب وات ايلس امممم ياه امس احد بعتلي ايميل في سؤال يقولك لو جاوبتو غلط تكون انسان طبيعي ولو جاوبتو صح تكون انسان عندك ميلول اجرامية,و قس هو الي جاوبو صح؟؟ انا لوول بس من جد انا اعتبر دا زكاء,يعني مو زنبي اني زكية:)) هما عشانهم عوبطا وجاوبو غلط قالولك انو الي يجاوبو صح عندو ميلول اجرامية!! وانو سألو دا السؤال لمجرمين كلهم جاوبو صح,سو انا مالي لو كنت زكية واعرف كيف يفكرو المجرمين,بالعكس دا زكاء واكبر دليل على كدا اني ماني مجرمة وعرفت هما كيف بيفكرو اني ويز اكتبلك السؤال تحت الي يحوب يعرف هوا عندو ميول "اجرامية" ولا لا بنت ماتت أمها وفي أثناء تشييع جنازة الأم قابلت البنت شاب أول مره تشوفه وكان وسيم جدا ووجدت فيه جميع المواصفات اللي كانت تتمناها في فارس أحلامها ...أعجبت هده الفتاة بذلك الشاب وحبته حب شديد لكن المشكلة إن هذه الفتاة لم تتعرف عليه و لم تأخذ عنوانه أو رقم تليفونه و حتى اسمه ما عرفتهوش..!
بدأت البنت تبحث عن أي شيء أو معلومات تدلها عليه......... لكن جميع محاولاتها باءت بالفشل ... وبعد أيام قليله قتلت هذه البنت أختها.؟؟؟؟؟؟ !!!!! السؤال.......... في اعتقادك : ماهو السبب الذي جعل الفتاة تقدم على قتل أختها ؟ فكر كويس قبل ما تشوف الإجابة... وحاول إنك تكون صادق مع نفسك عشان تعرف انت محتاج
طبيب نفسي أو لأ .. الجواب: قامت الفتاة بقتل أختها على أمل أن يظهر ذلك الشاب مرة أخرى في جنازة أختها ! يلا انا مرا كتبت كتير مشالله سي يا 2月19日 Ma first day derasi le haza alterm ><هاي بيبول واتس اب؟؟ون اوف ماي فريندز لمن اقولو كدا يقولي سكاي از اب
XD
سو بطلت اسال دا السؤال جابلي الطفش, وماتقدر تقولو لا لانو من جد السما فوق..وات ايفررر
توادي كان بورينق مرا, صحيت متاخر سو تحس اليوم كلو ضاع,كانت ماي سس رايحة المكتبة لمن جات قعدت معايا شويا وراحت تنام ومامتي عند هير فريند وماي اولد سستر ماادري ايشبها عليها نظام غريب بعض احيانن تقعد صاحية ميبي اباوت 3 ديز !! :) دونت اسك مي هاو المهم وتعوض النوم انها تنام يوم كامل, واليوم كان ون اوف ذيس دايز, ترا في مبالغة هنا المهم ات وااز بورينق مرا,نوثينق تو دو ,اكلم ماي فريند القيها تكلم خطيبها, سو طوز فيا :) لا حبو ماقالتلي كدا انا الي قولتلها ار يو بيزي قالتلي بكلم ففهمت  وماي اوذر فريند ماصدقت تكون اون لاين عشان مرا طفشانا الاقي اوختها بتكلمني, انا لو ون اوف ماي سسترز يعمل فيا كدا اممم مااعرف بس الحمدولله محد يتلقف باغراضيووشويا ماي بيست فريند التانية كانت اون لاين, راحت الرياض اليوم:) راحت قااالك قااالك تزور بنات عمها :) لوول انا عارفة لية راحت, حاخد كف منها ياه اي نو, بس في مازولا هناك كان بيدرس برا وجا دحينا فلازم من صلة الرحم ديا ماادري ايش حكاية الورد ديا مازولا معايا, ليا يومين سرت لمن اسال احد عن الي يحبو اقولهم "كيف مازولا" لول المهم تقول الرياض اتطورو مرا, ووحدا صحبتي امس نفس الكلمة كمانا قالتلي هيا, واللهي مسدقاهم بس ماني قادرة اقتنع ياه صح لوول تقولي صحبتي انو في حتت حاطين فيها ويرليس على مدى الشارع, فقولتها"نو وندر بيبي, مو الحكومة يأست من انو نسبة مستخدمين النت في العاصمة تزيد, قامو وزعوو في الشوراع" ترا جست كيدينق مامتي من الرياض سو مااقدر اقول غير كل شي طيب عنهم المهم امم بكرا رح اروح الجامعة انشالله, مامتي قالتلي لا تداومي غير علاسبوع الي يجي بس حاسة بتأنيب الضمير عشان كدا حروح انشالله مع اني خايفة اروح مشوار علفاضي, اصلو كل مواد التيرم دا غير مادة وحدا مع اساتزا والقايز خايبين سو فور شور مايجو اول اسبوع وبالتالي كل استاز يريدو ان يحفظ ماء وجهه ولا يأتي بدورة هوا الاخر وسبب تاني مخلني ماابغا اروح (بس لاتقولو عني سيلي)انوو لو استنيت للاسبوع الي يجي حتكون اجازتي 4 اسابيع  لول والمفروض كنت اسافر فيها بس محدش بيستحي على وشو في ماي فاملي, سبحان الله سفرات بابتي ماتجي غير علدراسة,اقولو ايش رايك نطلع انا وانتا اي حتة طفش, يقولي لا يابنتي مايسير واخواتك ايش يقولو, وانا زنبي اية يابابا انو خلصت قبلهم!! المهم قولت ماشيي خلااااص مو لازم سفر تحقيقن للعدل, لافاجا في نهاية هذا الاسبوع ان اوختي الي في السنوي رح تطلع دبي وذ ماي داد, وانا دبي دي اي سوير لفيت اوروبا لفللللفة بس دبي دي الي من جد اتنمي اروحلها ماقد شوفتها, فاوختو حتروح وذ ماي داد, ودي وراها لونق ستوري, ازا طفشان زيي اسمع ياخويابابا كان رح يسافر دبي, قولتلو بلييييز احجزلي معاك,قالي حتكون دراسة مرا تانية ان شاء الله,قولتلو طيب,مامتي بعد يوم تقولنا از ات اوكي ازا روحت وذ يور داد دبي؟, انا وماي سس ديا الي في السنوي قولنا وووواااااو روووحووو واحنا رح نعمل بارتي ماما سار وجهها كدا لول المهم فقالت"بس يور ليل سس اخاف اسيبها لوحدها وكدا", وهيا تنصرف من المدرسة قبلنا,قامت اوختي ديا قالتلها"انا مستعدةةة انتازل على اني اروح المدرسة واجلس معاها"<< البكش قولي ماابغا اروح المدرسة وبس, المهم بعد تفكير طول واصرار من اوختي وانها بس 3 ايام دراسة مارح يسير شي, ماما قالت طيب بس نستازن من يور تيتشرز وكدا, راحت المدرسة انا بصراحة اتوقعت المديرة تشوت ماما واوختو برا المدرسةكانت مديرتي برضو اعرفها, المهم تقولي ماي سس عمرها مااتكلمت كدا مع احد,مررا الست مؤدبة مع ماما محترمها علاخر احم مامتي ديوقالتلها اتز اوكيي مو لازم تجي انا اديها من عندي عذر للكل الابلاتمدارس اخر زمن,سو ماما قالت كويس,شويا ماما قالت بما انو بوبو(ماي سس)رح تجلس في البيت سو لية ماتروح هيا واوختي الصغيرا معاهم دبي,بابتي سالنا قولنالو طيب(احنا مانقدر نروح عشان مااعرف كيف جدول الجامعة ازا رح يخترعولنا اختبارات ولا كدا سو اتز نوت ورث ات اننا نعيد اختبار على سفرة كم يوم)فقولنا انا وماي اولد سس اتز اوكي يو كان قو وذ ذيم, بعدها بكام يوم مامتي بدءت وسوسة,"واخاف عليكم يابناتي تجلسو لوحدكم, لو احد مراقب البيت وشايف انو محد بيطلع ويخرج من البيت غيركم", ولو ولو ولو انوااااع الخوف, خوفتنا احنا كمان,قامت قالت "بلاش اروح حقعد انا واختكم النونو ومعاكم, بس بوبو ستيل كان قو" وهاكزا بوبو ودادي قونا قو تو دبي ماادري متا ان شاء الله هاف فن,ياه بابتي جا يضحك لمن قولتلو سبحان الله كنت المفروض انا الي اروح قالي خلاص اديت لاوختك كلمة سو ماابغا ازعلها بس ون داي حاخد انا وانتي :) سو ام ويتينق داديوات ايلس وات ايلس ياه جاني عريس في الاجازا دي, اكتشلي هما اتنين, بس التاني كان في ايام الاختبارات النهائية, شميت ريحت الخبر ايام الاختبارات بس قالولي بعدها, والله الحوار خلصت في يمكن دقيقتين,تبغي؟؟ لا انتهىىىى لوول والتاني دا اخد وقت اكتر شويا من المفاوضات,ميبي اباوت 3 مينيتز لول تبغي؟ لا,لية,بس انتهىىى مافيا احكي ديتيلز بس من الاخر كدا ام ستش ا كيد, ايش زواج دي؟ مرا بدري,اعقل شويا بعدين يحلها الف حلال ان شاء الله اممم ياه ماي سس نانا بيبي رسمتني ^^حاطيت الرسمة علديسبلاي ثانك يو نانا والله اي لوف ياااا مرا كتيير
وشي تاني ون اوف ماي بيست فريندز كانت معايا ايام السنوي جابت نونو^^ يتربى في عزهم ولو اني مااعرف لمن دحين ايش يعني دي الورد ذاتز ات, ادن الفجر, ونعلن اعلان رسمي انهو اول يوم دراسي بالنسبة لا إلي ان شاء الله يكون تيرم مرا لزيز عليا وعليكم وعلى كول الناس نراكم قريبن انشالله |
|
|
